Son Xəbər: “COP29-a ev sahibliyi edəcək ölkə kimi Azərbaycan fəal hazırlıq prosesindədir”, Nüvə müharibəsi YENİDƏN GÜNDƏMDƏ – “Ən arzuolunmaz ssenariyə hazırlıq gedir”, Avropa Parlamenti olduğu kimi: yalan, qərəz, nifrət və zəiflik, Əlilliyi olan şəxslərin hüquqları ilə bağlı təklif - Yenilənib, General-mayor vəfat etdi, Avropa çempionatı: Azərbaycanın daha 3 cüdoçusu mübarizəyə qoşulacaq, Günün qoroskopu: İdeyaları yeniləyin, amma hisslərlə oynamayın, Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub, İlham Əliyev həmkarına Qarabağ atı hədiyyə etdi - Fotolar, Prezidentlərin Ağdama səfərindən - Maraqlı fotolar,

Ölkəmizdə erkən nikahlar ən çox harada qeydə alınıb? - FOTO

Tarix: 9-02-2021, 18:35

Son illərdə Azərbaycanda erkən nikahlarının sayı 10 dəfə azalıb.
Bu barədə Media.Az-a müsahibəsində Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin müdiri, Azərbaycan Respublikasının BMT-nin Qadınlara qarşı ayrı-seçkiliyin aradan qaldırılması üzrə Komitəsinin (CEDAW) nümayəndəsi Elgün Səfərov bildirib.

O vurğulayıb ki, erkən nikahların sayı 2012-ci ilə qədər ildə 3500-4000-ə çatırdısa, indi 350-400 arasındadır.
“Bundan əlavə, əvvəllər bu cür evliliklərdən doğulan uşaqların sayı 4000-5000 idisə, bu gün onların sayı 2000-dən çox deyil”, - deyə Elgün Səfərov əlavə edib.
Qeyd edək ki, Dövlət Statistika Komitəsininin məlumatına görə, 2019-cu ildə 18 yaşınadək 366 qadın nikaha girib. Bu faktların əksəriyyəti Aran zonasında qeydə alınıb (120). Gəncə-Qazax bölgəsi ikinci yerdədir (46) və Dağlıq Şirvan erkən nikahların sayına görə ilk üçlüyü bağlayır (42). Bundan sonra Lənkəran (35), Bakı (31), Quba-Xaçmaz və Yuxarı Qarabağ (22), Kəlbəcər-Laçın (18), Şəki-Zaqatala (14), Naxçıvan Muxtar Respublikası (12) və Abşeron (5) gəlir.