Son Xəbər: Nepalda daşqın nəticəsində ölənlərin sayı 668-ə çatıb - YENİLƏNİB, Rusiya Donetsk və Sumı regionlarında bəzi yerləri ələ keçirib, Bakıda və Abşeronda təmirlə bağlı 21 marşrutun hərəkət sxemi dəyişdirilib, Sabah Bakıya və rayonlara yağış yağacaq, İlham Əliyev Şavkat Mirziyoyevi Özbəkistanın müstəqilliyinin 35 illiyi münasibətilə təbrik edib, Ukrayna ordusunun Rusiyaya hücumlarında 4 nəfər ölüb, xəsarət alanlar var, SEPAH: ABŞ-ın Hörmüz boğazı ilə bağlı açıqlamaları açıq-aşkar yalandır, AAYDA vətəndaşlara müraciət edib, Şəmkirdə 11 yaşlı qız əməliyyatdan sonra ölüb, "Fars": İran Hörmüz boğazına alternativ olaraq Xəzər dənizini nəzərdən keçirir,

Berlin meri yarım saat “yalançı Kliçko” ilə söhbət etdi

Tarix: 25-06-2022, 14:00

Almaniyanın paytaxtı Berlinin meri Françiska Qiffi 30 dəqiqə ərzində özünü Kiyevin meri Vitaliy Kliçko kimi təqdim edən naməlum şəxslə söhbət aparıb.

Bu barədə məlumatı “Tagesspiegel” yayıb.

Məlumata görə, Ukrayna tərəfindən Qiffi ilə görüşün keçirilməsi barədə istək daxil olub. Bunun hansı kanallarla baş verdiyi isə hələ məlum deyil.

Görüş zamanı özünü Kliçko kimi təqdim edən şəxsin danışıq tərzi və tonu almaniyalı merdə şübhələr doğurub. Belə ki, sözügedən şəxs Qiffidən ölkədəki ukraynalı qaçqınlara hansl xidmətlərin göstərilməsi barədə suallar verib.

Merin şübhələrindən sonra söhbət vaxtından əvvəl dayandırılıb.

Daha sonradan aydın olub ki, naməlum şəxslər dipfeyk texnologiyasından istifadə edib və özlərini Kliçko kimi qələmə veriblər. Hazırda məsələ ilə bağlı araşdırma aparılır.

“Bild” nəşri isə oxşar hadisənin Madriddə də baş verdiyini yazıb. Belə ki, burada da naməlum şəxs özünü Kliçko kimi təqdim edərək Madrid şəhərinin merinə zəng edib.

Kiyev meri Vitaliy Kliçko da məsələyə münasibət bildirərək, hər iki zəngin onun tərəfindən edilmədiyini və feyk olduğunu bildirib.

25-06-2022, 14:00 97 ---