Jurnalist Arif Baratzadə əməyinə verilən dəyər

Tarix: 9-01-2024, 13:24

Azərbaycan mətbuatında öz imzası, dəsti-xətti olan yazarlardan biri də “Zirvə Yolu” və “Azerinews.az” saytlarının baş redaktoru Arif Baratzadədir. Arif müəllim həm də fəallığı, qərəzsizliyi ilə seçilən jurnalistlərdəndir.

İnsanlıq, peşəsinə sevgi və hörmət keyfiyyətlərini özündə birləşdirən Arif müəllimin əməyi öz mənəvi dəyərini almağa başlayıb. Peşəsinə verilən qiymətin müjdəsi dalbadal gəldi. “Qızıl Qələm” mükafatı laureatı və Mətbuat Şurasına üzv qəbul olunmağı, fədakar jurnalisti peşəsinə daha məhəbbətlə bağlanmağa, əzmlə çalışmağa sövq edir.

Nəticədə ortaya müstəsna qədirbilənlik nümunəsi çıxır.

Arif Baratzadə ötən ilin dekabr ayında “Qızıl Qələm” mükafatına layiq görülməklə yanaşı həm də Mətbuat Şurasına üzv seçilmişdir.

Arif Baratzadə söz və duyum adamıdır. Onun imzası bənzərsiz ziyalılıq işığıdır. Bu imza cəmiyyətə informasiya ötürmək baxımından müstəsna missiya yerinə yetirir.

Baş redaktorumuzun uğurlarının təkrarlanması və daha böyük nailiyyətlər əldə etməsi diləyi ilə…

Sürayə Cavadzadə