Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

KİV: Şoltsun dövründə Almaniyanın silah ixracı 65 % artıb

Tarix: 8-02-2025, 10:00

Almaniya kansleri Olaf Şoltsun hökuməti təxminən 39 milyard avro həcmində silah ixracını təsdiqləyib ki, bu da sələfi Angela Merkelin dövründəkindən 65 % çoxdur.

Bu barədə “Deutschlandfunk” radio stansiyası məlumat yayıb.

KİV “Sara Vagenknext İttifaqı – ağıl və ədalət naminə” qrupundan olan Bundestaq deputatı Sevim Dağdelenin sorğusuna Almaniyanın İqtisadiyyat Nazirliyinin cavabını əks etdirən sənədi əldə edib.

2021-ci ilin oktyabrından 2024-cü ilin dekabrınadək təxminən 39 milyard avro həcmində ixrac təsdiqlənib. Əvvəlki qanunvericilik dövründə (2018-2021) bu göstərici 23,6 milyard avro təşkil edib. Avropa İttifaqına (Aİ) üzv olmayan ölkələrə silah tədarükü 10,8 milyard avrodan 25,5 milyard avroya qədər əhəmiyyətli dərəcədə artıb. Bu həcmin böyük hissəsi Ukraynanın payına düşüb.

Dağdelenin özü bu rəqəmləri şərh edərkən “mənəvi müflisləşmənin etirafı”ndan danışıb. Deputatın fikrincə, Almaniyanın xarici siyasəti diplomatik həll yolu əvəzinə silah tədarükü vasitəsilə hərbi münaqişələrin davam etdirilməsinə yönəlib.