Son Xəbər: İş başında ölən və yaralanan DİN əməkdaşlarının sayı AÇIQLANDI, Vilayət Eyvazov onlara baş leytenant rütbələrini təqdim etdi - VİDEO, Məşhurlar Kəbirə Məmmədovanın qızının xınasında, İcra Hakimiyyətinin şöbə müdiri qız qaçırıb?, Polis Günü Şuşada qeyd edilib - FOTO, "Təxribatların qarşısını almağa hazır olun" - Zakir Həsənovdan generallara TAPŞIRIQ, Azərbaycan xalqı yad dünyagörüşünü basdırır, İran yasa bataraq nalə qoparır – TƏHLİL, Prezident şəhid qızını hakim TƏYİN ETDİ - FOTO, Bakıda memarlıq abidəsi üzərində tikilən üçüncü mərtəbə ilə bağlı rəsmi AÇIQLAMA - YENİLƏNİB - FOTO, Qurbanlıq heyvanların satış və kəsim yerləri AÇIQLANDI - SİYAHI,

Xəzərin sahilindəki qanunsuz hasar və tikililər SÖKÜLÜR

Xəzərin sahilindəki qanunsuz hasar və tikililər SÖKÜLÜR

Tarix: 22-06-2022, 15:44

 
Buzovnada dəniz sahilindəki qanunsuz hasar və tikililər sökülür.

Bu barədə  Bakı Şəhər İcra Hakimiyyətindən məlumat verilib.

Bildirilib ki, dəniz sahili ərazilərdəki vəziyyətlə bağlı Buzovna sakinlərinin müraciətləri ilə əlaqədar bu ərazilərdə aparılan inventarizasiya zamanı müəyyən edilib ki, vaxtı ilə, 10-15 il əvvəl burada bəzi insanlar tərəfindən dəniz kənarlarının hasarlanması, sahilə keçidlərin bağlanması, həmçinin qədim qayalıqların zibillənməsi hallarına yol verilib ki, bu da haqlı narazılıqlara səbəb olur. Bəzi yerlərdə sakinlər qanunsuz olaraq əlavə torpaq sahələrini zəbt edərək öz həyətlərinə birləşdiriblər. Həm də dənizin geri çəkilməsi ilə əlaqədar sahilyanı ərazilər genişlənib.

Qeyd olunan qanunsuzluqların aradan qaldırılması, eləcə də ölkə başçısı cənab İlham Əliyevin Xəzər dənizinin sahilboyu ərazilərinin qanunvericiliyin tələblərinə uyğun olaraq bərpa edilməsi və insanların dəniz sahilinə sərbəst giriş-çıxışı təmin edilməsi ilə bağlı müvafiq Sərəncamının icrası məqsədi ilə səhər saatlarından etibarən Bakı Şəhər və Xəzər Rayon İcra Hakimiyyərlərinin, kommunal qurumların texnikaları və işçiləri tərəfindən Buzovna qəsəbəsində sahilyanı ərazilərdəki qanunsuzluqların aradan qaldırılmasına başlanılıb. Zəbt edilən torpaq sahələrinin hasarları, ərazidə bəzi sənədsiz tikililər, çimərlik ərazisinə daxil olmağa mane olan sədlər sökülür. Həmçinin kommunal xidmətlərin işçiləri tərəfindən qayalıq ərazilərinin müxtəlif tullantılardan təmizlənməsinə başlanılıb.

Bildirilib ki, təmizlənən torpaq sahələri çimərlik ərazilərinə birləşdiriləcək və əraziyə nəzarət artırılacaqdır. Eyni zamanda neqativ hallara yol verilməsinin, ərazinin zibillənməməsinin qarşısının alınması ilə bağlı vətəndaşlar arasında maarifləndirmə işlərinin gücləndirilməsi və pozuntulara yol verənlərin qanunamüvafiq qaydada cəzalandırılması nəzərdə tutulub.




RƏYLƏR


REKLAM

XƏBƏR LENTİ

POPULYAR XƏBƏRLƏR