Son Xəbər: London və Tehran razılığa gəldi, İsrail Livanla razılaşmadan bir gün sonra ölkənin cənubuna hücum edib, Azərbaycan dəri istehsalını 2 dəfədən çox artırıb, Bakı–Naxçıvan təyyarə reysləri ildırım səbəbindən ləğv edilib, İran XİN ABŞ-ın hava zərbələrinə reaksiya verib, Leyla Əliyeva və Arzu Əliyeva “CandyFest” yay festivalını ziyarət edib və “Sehrli mirvari” su sirki şousunu izləyiblər, Azərbaycan neftinin qiyməti 74 dollara düşüb, Ukrayna Volqoqradda "Titan-Barrikadı" zavoduna zərbə endirib, Ursula fon der Lyayen iyulun 1-də Azərbaycana səfər edəcək, Venesuela Səhiyyə Nazirliyi: Zəlzələlər nəticəsində 235 nəfər ölüb, 4,3 min nəfər xəsarət alıb,

"İndi AZAL-ın ağzı isti yerdədir" - İqtisadçı

Tarix: 24-06-2022, 17:54

"AZAL monopolist şirkət olduğundan, ya özəlləşdirilməli, ya da yerüstü xidmətlər ondan tamamilə alınmalıdır".

Bunu "Unikal"a açıqlamasında iqtisadçı ekspert Natiq Cəfərli deyib. Onun sözlərinə görə, dövlət hələ özəlləşməyə getməyəcək:

"Çox böyük yatırımlar edilib, təyyarələr alınıb və s. Yerüstü xidmətlər isə AZAL-ın törəmə şirkətlərindədir. Paralel olaraq xarici şirkətlərin birbaşa bazara daxil olması ilə AZAL-ın maneəçiliyinin aradan qaldırılması mümkündür. Bu, tez bir zamanda həyata keçirilə bilər".

Ekspert qeyd edib ki, xarici şirkətlərin gəlməsi rəqabətli mühiti artıracaq:

"Bu isə AZAL-ı qiymətləri aşağı salmağa və yaxşı işləməyə məcbur edəcək. İndi AZAL-ın ağzı isti yerdədir. Belə ki, dotasiya verilir, dövlət hesabına təyyarələr alınır. Bazarda tək olduğu üçün istədiyi qiyməti diktə edə bilir".