Son Xəbər: Polşa Belarusla sərhədi qeyri-müəyyən müddətə bağlayır, 1990-cı ildə Azərbaycanın Ermənistandan atəşə tutulması ilə bağlı sənədlər elan edilib, Kamran Əliyevin Sinqapura səfəri başa çatıb, Bakı İqlim Fəaliyyəti Həftəsi üçün qeydiyyat prosesi başlayıb, "Formula 1"lə bağlı bəzi məktəblərdə dərslər onlayn olacaq, Qətərin Baş naziri: İsrailin Dohaya zərbəsi əsirlərin azad olunacağına dair ümidləri məhv etdi, Xocavənd və Xocalı rayonlarına növbəti köç karvanı yola salınıb, Günün qoroskopu: öz ruhunuza bircə dəfə “eşidirəm səni” desəniz..., Çexiya ordusuna 174 milyon avroluq atıcı silahlar tədarük olunacaq, Aeroport yolunda 3 maşın toqquşub, xəsarət alan var,

Nəcməddin Sadıkovun oğlunun biznes ortağının ölkədən çıxışına qadağa qoyulur

Tarix: 13-07-2022, 20:26

İqtisadiyyat Nazirliyi yanında Dövlət Vergi Xidməti Bakı şəhəri Lokal Gəlirlər Baş İdarəsi Akimov Kamal Akimoviç barəsində məhkəmə iddiası qaldırıb.

Mediabiz.az Yeniavaz.com-a istinadla xəbər verir ki, məhkəmə iclasının bu gün - 13 iyul Bakı Kommersiya Məhkəməsinin hakimi Aytən Əliyevanın sədrliyi ilə keçiriləcəyi bildirilir.

Məlumat üçün bildirək ki, məhkəmə iddiası vergi ödəyicisinin ölkədən getmək hüququnun müvəqqəti məhdudlaşdırılması ilə bağlıdır.

Qeyd edək ki, uzun illərdir mətbuatda barəsində iddia qaldırılan Akimov Kamal Akimoviçin Azərbaycan Silahlı Qüvvələrinin sabiq Qərargah rəisi, general-polkovnik Nəcməddin Sadıkovun oğlu ilə biznes ortaqlığı olduğu yazılır.

Bildirilir ki, beton bloklar, yer daşı, səki daşı, qazon daşı, pilləkənlər və digər bu cür məhsulların istehsalı ilə məşğul olan “Keystone” MMC adlı şirkət 2010-cu ildə Kamal Akimoviç Akimov və Nəcməddin Sadıkovun oğlu Məhəmməd Sadıkov tərəfindən təsis olunub. Şirkətin qanuni təmsilçisi Akimov Kamal Akimoviçdir.

Hazırda dövlət büdcəsinə böyük miqdarda – 541 888 manat 20 qəpik vergi borcu olan şirkətin Müşfiqabad-Sahil yolunun 6-cı kilometrində fəaliyyət göstərən zavodunu da Kamal Akimova məxsus olduğu bildirilən “Sterling Group” MMC tərəfindən inşa olunub. “Sterling Group” MMC 2003-cü ildən fəaliyyət göstərir. Bu şirkətin də ofisi “Keystone” MMC ilə eyni ünvanda - “Azure Plaza”da (Nobel pr. 15, 24-cü mərtəbə) yerləşir.

Şirkətin direktoru Elvan Şıxəli oğlu Mirqəliyevdir. Bu şəxs həm də vaxtı ilə “Keystone” MMC-nin direktoru olub. Kamal Akimov 2013-cü ildə ABŞ-ın Kaliforniya ştatında “American Sterling Group, İNC” adlı şirkət də təsis edib.

Bunlardan başqa 2016-cı ildə “Keystone” MMC-yə məxsus zavodun yerləşdiyi ünvanda - Müşfiqabad-Sahil yolunun 6-cı kilometrində Kamal Akimovun direktor olduğu “Sterling Group Ltd” MMC adlı daha bir şirkət təsis olunub.