Mədət Quliyev partlayışa görə Şirvana getdi

Tarix: 24-07-2023, 22:51

Müdafiə sənayesi naziri Mədət Quliyev nazirliyə məxsus “Şirvan Araz zavodu” MMC-də baş verən partlayışla əlaqədar Şirvana yollanıb.

Bu barədə  Nazirliyin İnformasiya texnologiyaları şöbəsinin müdiri Yaşar İsakov məlumat verib.

Onun sözlərinə görə, Türkiyədə keçirilən “İDEF-2023” Beynəlxalq müdafiə sənayesi sərgisində iştirak etmək üçün qardaş ölkəyə səfər etmiş Mədət Quliyev hadisə ilə əlaqədar Bakıya geri dönüb və Şirvan şəhərinə yollanıb.

Nazir  və nazirliyin səlahiyyətli əməkdaşları, Şirvan şəhərinin prokuroru Kamal Talıbov və icra başçısı İlqar Abbasov hadisə yerinə baş çəkiblər və ətraflı məlumat əldə ediblər.

Mədət Quliyev və digər rəsmi şəxlər hadisə nəticəsində xəsarət alan Səbinə Şəkərovanı xəstəxanada ziyarət ediblər, həkimlərdən xəstənin vəziyyəti barədə məlumat alıblar.

Daha sonra Mədət Quliyev Hacıqabulda dəfn edilmiş Mehman Əhmədovun ailəsi və doğmaları ilə görüşüb, mərhumun yaxınlarına başsağlığı verib.

Hazırda MSN, FHN və Baş Prokurorluq tərəfindən araşdırmalar aparılır.