Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Papuaşvili: Gürcü xalqının suverenliyinə hörmət göstərilməyənədək AŞPA-da təmsil olunmayacağıq

Tarix: 10-04-2025, 13:23

Gürcüstan parlamenti gürcü xalqının suverenliyinə hörmət göstərilməyənədək Avropa Şurası Parlament Assambleyasında (AŞPA) nümayəndə heyəti ilə təmsil olunmayacaq.

Bunu ölkə parlamentinin sədri Şalva Papuaşvili bildirib.

O, AŞPA-nın qəbul etdiyi son qətnamədəki yanaşmanı “sovet üslubunda” bir addım və digər xalqların suverenliyinə hörmətsizlik adlandırıb.

"AŞPA bu addımı ilə öz prinsip və dəyərlərinə xəyanət edib. Böyük narahatlıqla müşahidə edirik ki, bir çox beynəlxalq platformalarda sovet üslubunu xatırladan davranışlar artır. Bu, xüsusilə, postsovet məkanından olan nümayəndələrə aiddir. Onlar bu cür təsir dairəsinə daha çox düşür və bəziləri indi Avropa İttifaqı bayrağı altında fəaliyyət göstərir”, - Ş.Papuaşvili qeyd edib.

Onun sözlərinə görə, Gürcüstan AŞPA-nın qəbul etdiyi qətnamədə gürcü xalqının suveren seçiminə hörmətsizlik gördü:

"Ona görə də nümayəndə heyətimiz assambleyanı tərk etdi. Gürcü xalqının kimin hakimiyyətdə olacağına özü qərar vermək hüququ var. Əgər bu hüquqa hörmət göstərilmirsə, biz orada iştirak etməyəcəyik”.