Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

CAR naziri Bakıda danışdı: Sakinlər təhlükəsiz ərazilərə köçürülür

CAR naziri Bakıda danışdı: Sakinlər təhlükəsiz ərazilərə köçürülür

Tarix: 20-05-2026, 11:52

 Qeyri-rəsmi yaşayış məntəqələrinin əsas problemi onların əksərinin şəhərlərin kənarında, lakin sənaye və inkişaf zonalarına yaxın ərazilərdə formalaşmasıdır.

Bunu Bakıda keçirilən Ümumdünya Şəhərsalma Forumunun 13-cü sessiyası çərçivəsində  “Qeyri-rəsmi yaşayış məntəqələrinin və gecəqonduların transformasiyası: dünya üçün mənzil təminatı” adlı panel sessiyada Cənubi Afrika Respublikasının İnsan Məskunlaşmaları naziri Thembi Simelane bildirib. 

Nazir qeyd edib ki, hökumətlər əvvəlcə bu yaşayış məntəqələrinin yerlərini və vəziyyətini müəyyənləşdirməyə çalışıb:

“Sonradan gördük ki, həmin ərazilərin çoxu bataqlıq, dolomit torpaqları və ya infrastruktur xətlərinin üzərində yerləşir. İnsanlar sənaye müəssisələrinə və fabriklərə yaxın olmaq üçün bu ərazilərdə məskunlaşırlar. Bəzi yaşayış məntəqələri hətta boru xətlərinin və kanalizasiya sistemlərinin üzərində qurulub. Bu isə yerində yenidənqurma və ya təkmilləşdirməni çətinləşdirir”.

Nümayəndə bildirib ki, bu vəziyyət hökumətləri sakinlərin daha təhlükəsiz ərazilərə köçürülməsi və planlı yaşayış məntəqələrinin yaradılması istiqamətində addımlar atmağa məcbur edir.

Onun sözlərinə görə, əsas problemlərdən biri şəhərlərin ətrafındakı torpaqların böyük hissəsinin özəl və ya artıq istifadə olunan ərazilər olmasıdır:

“Bu səbəbdən yeni yaşayış zonalarının inkişafı və insanların şəhərə yaxın ərazilərdə yerləşdirilməsi çətinləşir. Biznes tərəfdaşlıqları burada mühüm rol oynaya bilər. Məqsəd insanları iş yerlərinə yaxın yerləşdirmək və gündəlik nəqliyyat xərclərini azaltmaqdır”, - deyə nazir qeyd edib.




RƏYLƏR


REKLAM

XƏBƏR LENTİ

POPULYAR XƏBƏRLƏR