Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Baş Prokurorluğun nümayəndələri BMT tədbirində iştirak ediblər

Baş Prokurorluğun nümayəndələri BMT tədbirində iştirak ediblər

Tarix: 28-09-2026, 16:05

 Baş Prokurorluğun nümayəndələri BMT-nin Cinayətkarlığın Qarşısının Alınması və Cinayət Ədliyyəsi üzrə XV Konqresində iştirak ediblər.

Bu barədə Baş Prokurorluqdan məlumat verilib.

Birləşmiş Ərəb Əmirliklərinin Əbu-Dabi şəhərində keçirilən BMT-nin Cinayətkarlığın Qarşısının Alınması və Cinayət Ədliyyəsi üzrə XV Konqresində 26-28 oktyabr tarixlərdə Azərbaycan Respublikasının nümayəndə heyətinin tərkibində Baş Prokurorluğun Xüsusi müsadirə məsələlərinin əlaqələndirilməsi idarəsinin rəisi Vüqar Əliyev və Beynəlxalq hüquqi əməkdaşlıq idarəsinin rəis müavini Babək Zakirzadə iştirak ediblər.

Tədbir çərçivəsində cinayətkarlığın yeni və inkişaf edən formalarına qarşı mübarizə, mütəşəkkil cinayətkarlığın qarşısının alınması, cinayət ədliyyəsi sistemlərinin təkmilləşdirilməsi, müasir texnologiyaların tətbiqi və beynəlxalq əməkdaşlığın gücləndirilməsi ilə bağlı aktual məsələlər müzakirə olunub.

Sentyabrın 27-də Konqres çərçivəsində Birləşmiş Ərəb Əmirliklərinin Daxili İşlər Nazirliyinin təşkilatçılığı, BMT-nin Narkotiklər və Cinayətkarlıq üzrə İdarəsi (UNODC) və Azərbaycan Respublikasının Baş Prokurorluğunun birgə təşkilatçılığı ilə "Ətraf mühitə təsir edən cinayətlərə qarşı mübarizədə qalib gəlmək: vədlərdən nəticələrə doğru" mövzusunda yüksək səviyyəli xüsusi tədbir keçirilib.

BMT-nin Narkotiklər və Cinayətkarlığa qarşı Mübarizə İdarəsinin icraçı direktoru xanım Monica Juma, İNTERPOL-un direktoru Lucas Philippe, Fransa Respublikasının Ədliyyə naziri Gerard Darmanin və BƏƏ Daxili işlər nazirliyinin Baş İdarə rəisi xanım Dana Al Marzouqinin də panelçi qismində qatıldığı tədbirdə ətraf mühit sahəsində mütəşəkkil cinayətkarlıq və korrupsiya, vəhşi təbiətə qarşı cinayətlər, meşə cinayətləri, qanunsuz mədən hasilatı, tullantıların qanunsuz dövriyyəsi, çirklənmə və balıqçılıq sahəsində cinayətlərlə mübarizədə mövcud çağırışlar müzakirə edilib. Bu sahədə hüquq-mühafizə orqanları arasında əlaqələndirilmiş fəaliyyətin, əməli əməkdaşlığın, qabaqcıl təcrübə və məlumat mübadiləsinin əhəmiyyəti vurğulanıb.

Tədbirdə çıxış edən Vüqar Əliyev ətraf mühitə təsir edən cinayətlərin transmilli xarakter daşıdığını qeyd edərək, bu növ cinayətkarlığa qarşı mübarizədə dövlətlər və beynəlxalq təşkilatlar arasında praktiki əməkdaşlığın genişləndirilməsinin, hüquq-mühafizə orqanlarının fəaliyyətinin əlaqələndirilməsinin və müasir texnologiyalardan səmərəli istifadənin vacibliyini vurğulayıb.

Tədbirin yekununda "Ətraf mühitə təsir edən cinayətlər üzrə Əbu-Dabi Fəaliyyətə Çağırışı 2026" təşəbbüsü təqdim olunub. Könüllü xarakter daşıyan təşəbbüs ətraf mühitə təsir edən cinayətlərin qarşısının alınması və onlara qarşı mübarizənin ortaq beynəlxalq prioritet kimi təşviq edilməsini, dövlətlər, beynəlxalq və regional təşkilatlar, hüquq-mühafizə orqanları və digər tərəfdaşlar arasında əməkdaşlığın daha da genişləndirilməsini nəzərdə tutur.




RƏYLƏR


REKLAM

XƏBƏR LENTİ

POPULYAR XƏBƏRLƏR