Son Xəbər: Zelenski Trampla danışıqlardan öncə Kanadanın Baş naziri ilə görüşəcək, Şahbuzda avtomobil qaz xəttinə çırpılıb, 450 nəfər qazsız qalıb, KİV: Türkiyə yanvarın 1-dən Ermənistanla sərhədi qismən açmağa hazırdır, Küləkli hava şəraiti ilə bağlı sarı xəbərdarlıq verilib, Sabah Bakıda yağış və sulu qar yağacaq, güclü külək əsəcək, Mədəniyyət Nazirliyinin tabeliyindəki şirkətin rəhbərliyi dəyişib, KİV: İranla Şimali Koreya arasında şübhəli maliyyə əməliyyatları aşkarlanıb, Gürcüstanda Ukrayna vətəndaşlarına sosial yardımın müddəti uzadılıb, DİN bayramda azad olunan ərazilərə səfərə çıxanlara müraciət edib - VİDEO, Rusiya Kiyevə və ətraf bölgəyə kütləvi hücumlar edib, xəsarət alanlar var,

"Yenidən xəstə sayı kəskin arta bilər" - XƏBƏRDARLIQ

Tarix: 10-02-2021, 22:34

Koronavirus xəstələrinin ictimai yerlərdə aşkar edilməsi hallarının artması cəmiyyəti daha təhlükəli hallarla üz-üzə qoya bilər.

Bunu TƏBİB-in İnfeksion xəstəliklər üzrə işçi qrupunun həkim-infeksionisti Aygül Əliyeva deyib.

İnfeksionist bildirib ki, qorunma tədbirlərinə ciddi riayet etməliyik: "Burada əsas məsələ vətəndaş məsuliyyətsizliyi durur. Əgər bir şəxs koronavirus xəstəsi olduğunu bilərək ictimai yerlərə gedib, insanlarla təmasda olmaqdan çəkinmirsə, belə insanlar ciddi şəkildə cəzalandırılmalıdır. Həmin şəxs özünü çox rahat hiss edə bilər, amma bilməlidi ki, yoluxdurduğu hər hansı bir şəxsin xəstəliyi daha ağır vəziyyətdə keçirməyinə və hətta ölümünə səbəb ola bilər. Hər zaman qeyd edirik ki, asemptomatik xəstələr özləri də bilmədən digər insanları yoluxdura bilirlər. İctimai yerlərdə giriş zamanı hər kəsin temperaturuna nəzarət olunur. Bu, o demək deyil ki, həmin şəxsin temperatur göstəricisi normaldı deyə rahat ola bilərik. Buna əsasən yenə qeyd etmək istəyirəm ki, ictimai yerlərə getdiyimiz zaman əsas qorunma tədbirlərinə ciddi riayet etməliyik. Əks halda yenidən yoluxan xəstə sayının kəskin artması ilə qarşılaşa bilərik".