Aksiya iştirakçıları Ermənistan XİN-in binasına daxil oldu

Tarix: 10-12-2021, 12:43

Ermənistanda ölkənin Xarici İşlər Nazirliyi qarşısında etiraz aksiyası keçirilir.

Mediabiz.az “Sputnik Ermənistan”a istinadən xəbər verir ki, “Azadlıq hərəkatı” tərəfdarları və nümayəndələrinin qatıldığı aksiyanın iştirakçıları nazir Ararat Mirzoyan və yaxud müavini ilə görüş tələb ediblər.

Aksiya zamanı etirazçılar XİN-in binasına daxil olublar. Hazırda hüquq-mühafizə orqanlarının əməkdaşları iştirakçıları binadan çıxarmağa çalışır. Polis 13 aksiya iştirakçısını saxlayıb.

Qeyd edək ki, aksiya iştirakçıları nazirdən Qarabağa dair danışıqlar prosesinin gələcəyinə dair suallara cavab tələb ediblər.