"Türkiyədən çıxan yüklər Azərbaycan vasitəsilə Çinə qədər daşınır" - Ərdoğan

Tarix: 8-01-2022, 23:12

"Türkiyədən çıxan yüklər Azərbaycan vasitəsilə Orta Asiyaya, Çinə qədər daşınır".

Mediabiz.az "Anadolu" agentliyinə istinadən xəbər verir ki, bunu Prezident Rəcəb Tayyib Ərdoğan Konya və Karaman vilayətlərini birləşdirən sürətli dəmir yolunun açılış mərasimində çıxışı zamanı deyib.

Ərdoğan bildirib ki, sürətli dəmir yolu sistemi Türkiyəni bütün bölgə ölkələri ilə birləşdirəcək.

Dövlət başçısı qeyd edib ki, dəmir yolunun inkişafı Türkiyə hökumətinin prioritet istiqamətlərindən biridir.

"Hökumətimiz sayəsində Londondan çıxan qatar Bosfor boğazından keçərək birbaşa Anadoluya çata bilir", - Türkiyə lideri bildirib.