ABŞ Ukraynaya görə qoşunlarını yüksək hazırlıq səviyyəsinə gətirib

Tarix: 25-01-2022, 10:04

Ukrayna ətrafındakı vəziyyətlə əlaqədar olaraq ABŞ öz ərazisində və xarici ölkələrdəki qoşunlarının hazırlıq səviyyəsini artırır.

Mediabiz.az xəbər verir ki, bu barədə məlumatı ABŞ-ın Müdafiə Nazirliyinin rəsmi sözçüsü Con Kirbi açıqlayıb.

Onun sözlərinə görə, Pentaqon rəhbəri Lloyd Ostin, həmçinin ABŞ-da bəzi hərbi hissələri Avropaya göndərilmək üçün yüksək hazırlıq səviyyəsinə gətirib.

Burada söhbət 8500 nəfərlik kontingentdən gedir.

C. Kirbi hərbçilərin Avropaya göndərilməsi barədə hələ ki, qərar qəbul edilmədiyini sözlərinə əlavə edib.