Norveç Ukraynaya 22 M109 zirehli haubitsa verib

Tarix: 8-06-2022, 14:43

 
Norveç hökuməti Ukraynaya 22 ədəd M109 özüyeriyən zirehli haubitsa təhvil verib.

Bu  barədə Norveç hökuməti məlumat yayıb. 

Bildirilir ki, avadanlıq, ehtiyat hissələri və 155 mm-lik sursat da daşınıb. Bundan əlavə, Norveç ukraynalı hərbçilərə M109-dan istifadə qaydalarını öyrədib.

"Ukrayna silahlı qüvvələri Qərbin dəstəyinə ümid edir və Rusiyanın hücumlarına qarşı çıxmaq üçün silah və texnikaya ehtiyac duyur. Ukrayna bu tip silahları xüsusi olaraq dəvət edib. Ukraynada müharibənin inkişafı indi onu göstərir ki, həm də daha ağır artilleriya və silah sistemlərinin ötürülməsi lazımdır", - Norveçin müdafiə naziri Byorn Arild Qram bildirib.

Qeyd edilir ki, artilleriya bölmələri artıq Norveçdən göndərilib. Təhlükəsizlik məqsədilə Norveç hökuməti bu silahların Ukraynaya təhvil verilməsini açıq elan etmək üçün fasilə verib.