Son Xəbər: Ağdamda ata və iki azyaşlı övladı su anbarında boğulub, Kibertəhlükəsizlik dövlət siyasətinin prioritetinə çevrilir - TƏHLİL, İmişlidə zəlzələ olub, Kənd Təsərrüfatı Nazirliyi: Abşeronda çəyirtkələrlə bağlı vəziyyət iqlim dəyişiklikləri ilə əlaqəlidir, İlham Əliyev Donald Trampı təbrik edib, Hərbi vəzifəlilər təlim toplanışında praktiki atış çalışmaları icra ediblər, Neftin qiyməti 72 dolları ötüb, DÇ-2026: 1/8 final mərhələsinin bütün cütləri müəyyənləşib, İctimai etimadın zirvəsində: İlham Əliyevin liderliyinə yüksək dəstəyin səbəbləri - ŞƏRH, Bakıda keçiriləcək dünya çempionatının rəsmi loqosu ictimaiyyətə təqdim olunub,

McDonald's Qazaxıstanı tərk edəcək

Tarix: 5-01-2023, 07:43

Fast food restoranlar şəbəkəsi McDonald's Qazaxıstanda biznesini bağlamaq niyyətindədir.
Bu barədə Bloomberg məlumat yayıb. Agentliyin məlumatına görə, qərar Rusiyada tədarük zəncirinin pozulması və ətin alınması ilə bağlı problemlərlə əlaqədardır.

McDonald's Rusiyanı tərk etdikdən sonra şirkət Qazaxıstandakı françayzilərinə orada kotlet üçün ət almağı qadağan edib. Bununla bağlı “Food Solutions KZ LLP” (“McDonald’s Kazakhstan”) şirkətinə məxsus 24 fast food restoranı işini dayandırmalı olub.

Mümkün itkilərə görə yerli və ya Avropa istehsalçıları ilə təchizat zəncirləri yaratmaq mümkün olmayıb. Qazaxıstandakı McDonald's françayzinin sahibi Kayrat Boranbayev martın 17-də kvazi-dövlət sektorunun vəsaitlərini mənimsəməkdə ittiham edilərək həbs edildikdən sonra vəziyyət daha da pisləşib.

Məlum olub ki, “Vkusno – vəssalam” Belarusda “McDonalds” fast food şəbəkəsini əvəz edəcək . Müvafiq françayzi müqaviləsi respublikada Amerika fast food şəbəkəsini idarə edən KSB Victory Restaurants ilə imzalanıb. Noyabrın 22-də Belarusda "Vkusno - vəssalam" brendi altında fəaliyyət göstərən müəssisələr fəaliyyətə başlayacaq. Şirkətin mətbuat xidməti müəssisə dəyişərkən bütün iş yerlərini saxlamağa, həmçinin yeməklərin keyfiyyətini və çeşidini eyni səviyyədə saxlamağa söz verib.