Rusiyada məktəbə bıçaqlı hücum - Yaralananlar var

Tarix: 11-09-2023, 11:00

Rusiyanın Rostov vilayətində məktəbə bıçaqlı hücum olub.  

Bu barədə vilayətin qubernatoru Vasili Qolubev özünün "Telegram" kanalında məlumat verib.  

"Saat 07:50-də Neklinovski rayonundakı “Krasnıy Desant” fermasındakı məktəbdə bıçaqla silahlanmış və üzünü maskanın arxasında gizlədən 15 yaşlı yeniyetmə məktəbə daxil olmaq istəyərkən  üç nəfəri yaralayıb",  - deyə rayon rəhbəri yazıb.

Hücum edən şəxs şahidlər tərəfindən saxlanılıb.

Qolubevin sözlərinə görə, məktəbə hücum edən oğlan psixi xəstəlikdən əziyyət çəkir.