Putin Priqojinin ölümündən danışdı

Tarix: 5-10-2023, 21:53

Yevgeni Priqojinin təyyarəsində həlak olanların cəsədlərində əl qumbaralarının parçaları tapılıb.

Rusiya prezidenti Vladimir Putin bu barədə oktyabrın 5-də istintaq məlumatlarına istinadən məlumat verib. 

“İstintaq Komitəsinin rəhbəri mənə məlumat verdi ki, ölənlərin meyitlərində əl qumbaralarının parçaları tapılıb. Təyyarəyə heç bir xarici təsir olmayıb. İstintaq hələ başa çatmayıb”, - Putin bildirib. O əlavə edib ki, “təəssüf ki, qurbanların qanında alkoqol və ya narkotik maddələrin olub-olmaması ilə bağlı heç bir ekspertiza aparılmayıb, baxmayaraq ki, “belə bir ekspertiza keçirilməli idi”.

Avqustun 24-də Putin Tver vilayətində baş vermiş təyyarə qəzasında həlak olanların ailələrinə başsağlığı verib. Prezident “Vaqner” PMC-nin rəhbərini çoxdan, 1990-cı illərin əvvəllərindən tanıdığını deyib və Priqojini çətin tale adamı olan, həyatda ciddi səhvlərə yol verən, lakin istədiyi nəticələrə nail olan istedadlı iş adamı adlandırıb.