Son Xəbər: DÇ-2026: Avropa zonası üzrə seçmə mərhələdə 9 qarşılaşma baş tutacaq, Türkiyə Azərbaycana yeni hərbi atteşe TƏYİN ETDİ, Məhkəmə Samvel Karapetyanı həbsdə saxlayıb, Şahin Mustafayev: "Azərbaycan-Çin münasibətləri yeni mərhələyə qədəm qoyub", Müharibəyə hazırlaşan Qərb - Rusiyanın elan olunmayan bloku - ŞƏRH, Strateji Obyektlərin Mühafizəsi Dövlət Agentliyinin Döyüş Bayrağı haqqında Əsasnamə təsdiqlənib, Baş prokuror beynəlxalq tədbirdə iştirak etmək üçün Sinqapura gedib, Ağdərənin Vəngli kəndinə növbəti köç karvanı yola salınıb, Məcnun Məmmədov Qusarda vətəndaşları qəbul edəcək, İlham Əliyev Tacikistan Prezidentini təbrik edib,

Misirdə Qəzza zolağında münaqişənin həlli üzrə sammit keçirilir

Tarix: 21-10-2023, 15:48

Misirin paytaxtı Qahirədə Qəzza zolağında münaqişənin həlli üçün sammit keçirilir.

30-dan çox ölkə və bir sıra beynəlxalq və regional təşkilatların iştirak etdiyi tədbiri “Al Arabiya” yayımlayır.

Misir Prezidenti Əbdülfəttah Əs-Sisinin təşəbbüsü ilə təşkil olunan toplantıda Fələstin lideri Mahmud Abbas, BMT, Aİ, Böyük Britaniya, Yunanıstan, Türkiyə, Kipr, İtaliya və Rusiya nümayəndələri iştirak edir.

Tədbir zamanı Misir lideri sammit iştirakçılarını Qəzza zolağında humanitar fəlakətə son qoymaq və İsraillə fələstinlilər arasında sülhə gedən yolu canlandırmaq üçün yol xəritəsini razılaşdırmağa dəvət edib.