Son Xəbər: UEFA Konfrans Liqası: "Qarabağ"la oyun üçün Bakıya "Tvente"nin 150-dək azarkeşi gələcək, Bakıda 36, rayonlarda 40 dərəcəyədək isti gözlənilir, Göyçaya qonaq gələn şəxsi elektrik cərəyanı vuraraq öldürüb, Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb,

Qazaxıstan Almatıda “NATO mərkəzi” ilə bağlı məlumatı təkzib etdi

Tarix: 25-10-2023, 19:39

Qazaxıstan Müdafiə Nazirliyi Almatıda “NATO mərkəzi”nin açılması ilə bağlı mediada yayılan məlumatları təkzib edib.

Nazirliyin yaydığı məlumatda deyilir:

"23 oktyabr 2023-cü il tarixində Almatıda ABŞ-ın Qazaxıstandakı səfiri Daniel Rozenblyumun iştirakı ilə Qazaxıstan Respublikası Müdafiə Nazirliyinin Sülhməramlı Əməliyyatlar Mərkəzinin yeni konfrans zalının rəsmi açılışı olub. Mərkəz 2006-cı ildən Qazaxıstan Respublikası silahlı qüvvələrinin sülhməramlı komponentinin inkişafı üçün nəzərdə tutulmuş təhsil müəssisəsi kimi fəaliyyət göstərir”.

Qeyd olunur ki, söhbət Qazaxıstan Respublikası Müdafiə Nazirliyinin tabeliyində olan dövlət əlavə təhsil müəssisəsindən gedir.

Rusiya prezidentinin mətbuat katibi Dmitri Peskov “NATO Mərkəzi”nin açılması ilə bağlı xəbəri şərh edərkən, "Moskva bu məsələ ilə bağlı Astanadan əlavə məlumat alacağını gözləyir"- demişdi.