Son Xəbər: İlham Əliyevin Türkiyəyə işgüzar səfəri ilə bağlı paylaşım edilib, İshaq Dar: Şahbaz Şərif Antalyada Ərdoğanla səmərəli danışıqlar aparıb, Başlıbel qətliamından 33 il ötür, Yol polisi əlverişsiz hava şəraitində yollardakı vəziyyətlə bağlı sürücülərə müraciət edib, Kişi voleybolçular arasında Azərbaycan Yüksək Liqasının qalibi müəyyənləşir, Qalibaf Trampı 7 yalan danışmaqda ittiham etdi, Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib, Ərdoğan: Türkiyə Avropa İttifaqına tam üzvlük hədəfini qoruyur, Bakıda kişi keçmiş arvadını qətlə yetirib, evi və maşını yandırıb, daha sonra özünü öldürüb - BİRGƏ MƏLUMAT,

Həmid Nurinin oğlu da İsveçdə həbs edildi

Tarix: 29-03-2024, 15:50

Hazırda İsveçdə həbsdə olan İranın keçmiş prokuror köməkçisi Həmid Nurinin oğlu Məcid Nuri İsveçdə saxlanılıb.

Bu barədə İranın "Mehr" xəbər agentliyi onun ailəsinə istinadən məlumat yayıb.

“Atamla görüşə gedən qardaşımdan saatlarla xəbərsiz olandan sonra bildik ki, Məcid İsveç polisi tərəfindən həbs olunub. Hadisənin təfərrüatını bilmirik”, - bacısı Atiyə Nuri deyib.

Məcid Nuri bundan əvvəl mediaya açıqlamasında atasına İsveç həbsxanasında işgəncə edildiyini iddia etmişdi.

Qeyd edək ki, Həmid Nuri 1988-ci ilin iyul ayından sentyabr ayına qədər İran həbsxanalarında minlərlə siyasi məhbusun edamındakı roluna görə 2019-cu ilin noyabrında İsveçə səfəri zamanı həbs edilib. İsveç məhkəməsi onu ömürlük həbs cəzasına məhkum edib və hazırda Stokholm həbsxanasında saxlanılır.