Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Yenidən öz postlarına namizəd olacaqlar

Tarix: 21-11-2024, 14:18

Gürcüstanın Baş naziri İrakli Kobaxidze ölkənin hakim “Gürcü arzusu – Demokratik Gürcüstan” partiyasından həmin posta yenidən namizəd olacaq.

Bu barədə məlumatı partiyanın icraçı katibi Mamuka Mdinaradze “Gürcü arzusu”nun Siyasi Şurasının iclasından sonra brifinqdə açıqlayıb.

Onun sözlərinə görə, parlament sədri vəzifəsinə gəldikdə isə, partiya bu posta da qanunverici orqanın hazırkı sədri Şalva Papuaşvilinin namizədliyini irəli sürəcək.

Mdinaradze, həmçinin qeyd edib ki, Siyasi Şuranın iclasında prezident seçkilərinin tarixinin təyin edilməsi məsələsi də müzakirə edilib: “Bildiyiniz ki, prezident seçkiləri parlamentin ilk sessiyasından sonra baş tutmalıdır. Bunun üçün konkret tarix müəyyən edilib. Yaxın günlərdə Gürcüstan parlamentində ilk iclas baş tutduqda seçkinin tarixini də təyin edəcəyik”.

Xatırladaq ki, İrakli Kobaxidze cari ilin fevralından Gürcüstanın Baş naziri, Şalva Papuaşvili isə 2021-ci ilin dekabrından parlamentin sədridir.

Onu da qeyd edək ki, Gürcüstanda oktyabrın 26-sı keçirilən parlament seçkilərində “Gürcü arzusu – Demokratik Gürcüstan” partiyası 53,93% səslə qalib gəlib.