Son Xəbər: Rezidenturaya qəbul imtahanının II mərhələsində iştirak üçün qeydiyyat başlayıb, Beynəlxalq Münasibətlərin Təhlili və Multikulturalizm Mərkəzinin Nizamnaməsi təsdiqlənib, Sabah Bakıda 36, rayonlarda 39 dərəcə isti olacaq, Azərbaycan və Gürcüstan arasında "E-Permit" sisteminin tətbiqinə başlanılıb, Hikmət Hacıyev: Əminik ki, mediamız milli maraqlarımızın müdafiəsində səylərini əsirgəməyəcək, İran İordaniya və Bəhreyndəki ABŞ aviabazalarına zərbələr endirib, "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir,

Slovakiyanın Baş naziri: Qərb gələcəkdə Ukraynanı qurban verə bilər

Tarix: 12-12-2024, 19:11

Ukrayna Rusiya ilə müharibə nəticəsində ərazilərinin üçdə birini itirəcək.

Bunu Slovakiyanın Baş naziri Robert Fiço Braziliyanın “Folha de S.Paulo” qəzetinə müsahibəsində deyib.

O bildirib ki, Qərb 1938-ci ildə Çexoslovakiyanı qurban verdiyi kimi gələcəkdə Kiyevi də qurban verə bilər. Elə bir an gələcək ki, Qərb deyəcək: “Biz bacarmadıq, ona görə də Ukraynanı itirdik”.

Baş nazir hesab edir ki, Qərb Ukraynaya xarici qoşunların mövcudluğu kimi təhlükəsizlik təminatları təklif etməyəcək.

Qeyd edək ki, 1938-ci ilin sentyabrında Almaniya, İngiltərə, Fransa və İtaliya hökumət başçıları Münhen sazişini imzalayıblar. Bu sənədlə Çexoslovakiya Üçüncü Reyx hakimiyyəti, Polşa və Macarıstan arasında bölüşdürülüb.

Xatırladaq ki, Ukrayna ilə Rusiya arasında müharibə 2022-ci ilin fevralın 24-də başlayıb. Ukrayna Prezidenti Volodimir Zelenski müharibənin gələn il başa çatacağını istisna etmir.