Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Danimarkanın Baş naziri ölkənin Fransanın nüvə qüvvələri tərəfindən müdafiəsi imkanlarını istisna etmir

Tarix: 6-03-2025, 18:32

Avropa İttifaqı (Aİ) ölkələri Fransa Prezidenti Emmanuel Makronun Avropa ölkələrinin Fransanın nüvə qüvvələrinin himayəsi altına alınması təşəbbüsünü müzakirə etməlidir.

Bunu Danimarkanın baş naziri Mette Frederiksen Aİ-nin Brüssel sammiti ərəfəsində bildirib.

"Hər şey müzakirəyə hazırdır. Bütün yaxşı ideyalar müzakirənin bir hissəsi olmalıdır", - o qeyd edib.

Bundan əvvəl Makron həmvətənlərinə müraciətində Almaniya kansleri vəzifəsinə namizəd olan Fridrix Merzin çağırışından sonra müttəfiqləri ilə Avropa ölkələrinin Fransanın nüvə çəkindirmə qüvvələrinin himayəsi altına qəbul edilməsinin mümkünlüyü ilə bağlı müzakirələrə başlayacağını deyib.

Bundan əlavə, Fransa Prezidenti Avropa və respublika üçün təhdidlərin artmasından danışıb. Makron Parisin müdafiə xərclərinin daha əvvəl təsdiq edilmiş plandan daha çox artırılması zəruriliyini belə əsaslandırıb. O, həmçinin Rusiya ilə münaqişədə Ukraynaya dəstəyi davam etdirmək niyyətində olduğunu bildirib.