Son Xəbər: Sabah Bakıda 36, rayonlarda 39 dərəcə isti olacaq, Azərbaycan və Gürcüstan arasında "E-Permit" sisteminin tətbiqinə başlanılıb, Hikmət Hacıyev: Əminik ki, mediamız milli maraqlarımızın müdafiəsində səylərini əsirgəməyəcək, İran İordaniya və Bəhreyndəki ABŞ aviabazalarına zərbələr endirib, "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub,

Türkiyə MİT-in başçısı Suriyada səfərdə olub, bir sıra görüşlər keçirib

Tarix: 20-05-2025, 18:32

Türkiyə Milli Kəşfiyyat Təhlükəsizlik Təşkilatının (MİT) başçısı İbrahim Kalın Suriya Prezidenti Əhməd Şaraa, xarici işlər naziri Əsəd Həsən Şibani və Təhlükəsizlik Təşkilatının başçısı Hüseyn əs-Selame ilə Suriyada görüşüb.

Məlumatı “TRT Haber” yayıb.

Bildirilib ki, görüşdə ölkələr arasındakı ikitərəfli münasibətlərin, Suriyanın ərazi bütövlüyü, suverenliyi və siyasi sabitliyinin əhəmiyyəti vurğulanaraq Türkiyənin, hər zaman Suriyanın yanında olacağından bəhs olunub.

Görüşdə başqa qruplar kimi PKK/YPG-nin terror təşkilatı da silahı buraxaraq yeni Suriyaya inteqrasiya olması, sərhəd təhlükəsizliyi və gömrük qapıları ilə İŞİD üzvlərinin olduğu həbsxanalar və düşərgələrin rəhbərliyə təhvil verilməsi məsələləri müzakirə edilib. Rəsmi Dəməşqin ehtiyac duyduğu zaman Türkiyənin hər cür dəstəyi verməyə hazır olduğu bildirilib.

Regional inkişaflar çərçivəsində İsrailin Suriyaya hücumları və hava pozuntuları ilə ölkəyə qarşı bütün sanksiyaların aradan qaldırılması məsələlərinin müzakirə edildiyi görüşdə İŞİD ilə mübarizə və suriyalı qaçqınların könüllü, təhlükəsiz şəkildə ölkələrinə geri dönüşü məsələləri də müzakirə olunub.