Son Xəbər: "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq,

Polşa XİN Rusiyaya etiraz notası göndərib

Tarix: 21-08-2025, 19:18

Polşa Xarici İşlər Nazirliyi ölkənin şərqində pilotsuz uçuş aparatının düşməsi ilə bağlı Rusiya tərəfinə etiraz notası göndərib.

Bu barədə xarici siyasət qurumunun saytında məlumat verilib.

Sənəddə Polşa hökuməti Rusiyanı qəsdən təxribat törətməkdə və Polşanın suverenliyinə hörmətlə bağlı öhdəlikləri pozmaqda ittiham edir.

Xatırladaq ki, avqustun 20-də polis Polşanın şərqindəki Lyublin voyevodalığının Osinı kəndində qarğıdalı tarlasında təxminən saat 02:00-da (Bakı vaxtı ilə 04:00) partlayış baş verməsi barədə məlumat vermişdi. Partlayış dalğası yaxınlıqdakı evlərin pəncərələrini qırıb, xəsarət alan olmayıb. Regional prokurorluğun nümayəndəsi qeyd edib ki, istintaq Belarusla sərhəddən 100 km aralıda qarğıdalı tarlasında qəzaya uğrayan pilotsuz uçuş aparatının istehsalçısını və növünü hələ müəyyən edə bilməyib. Buna baxmayaraq, Polşanın müdafiə naziri Vladislav Kosinyak-Kamış dronun Rusiyaya məxsus olduğunu iddia edib.