Ermənistanla ABŞ arasında imzalanmış memorandumlar dərc olundu

Tarix: 29-08-2025, 15:35

Ermənistanla ABŞ arasında imzalanmış memorandumlar dərc olunub.

Memorandumların mətni Ermənistan KİV-də yayımlanıb. Onların sayı 3-dür.

Memorandumlardan biri “Amerika Birləşmiş Ştatları Hökuməti və Ermənistan Respublikası Hökuməti arasında yarımkeçiricilər və yarımkeçiricilər sektorlarında innovasiya tərəfdaşlığı haqqında”dır.

Digər memorandum “Amerika Birləşmiş Ştatları Hökuməti və Ermənistan Respublikası Hökuməti arasında enerji təhlükəsizliyi üzrə tərəfdaşlıq haqqında”dır. Burada Ermənistanın enerji diversifikasiyasına, təhlükəsizliyinə, dayanıqlığına və Ermənistanın enerji sektorunun modernləşdirilməsinə töhfə vermək üçün Ermənistanın enerji sektoruna sərmayə yatırmaqdan söhbət gedir.

Üçüncü Memorandum “Amerika Birləşmiş Ştatları Hökuməti və Ermənistan Respublikası Hökuməti arasında “Sülhün kəsişməsi” üçün potensialın inkişafı sahəsində tərəfdaşlıq layihəsi”dir

Bu Memorandumunun məqsədi investisiyalar, resurslar, təlimlər və İştirakçılar arasında tərəfdaşlıqlar vasitəsilə Ermənistanın infrastrukturunu və sərhəd təhlükəsizliyini yaxşılaşdırmaq üçün əməkdaşlıq etməkdir.