Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

İran, Çin və Rusiya BMT-ni Tehrana qarşı sanksiyaları bərpa etməməyə çağırıb

Tarix: 1-09-2025, 18:28

İran, Çin və Rusiya xarici işlər nazirləri BMT Baş katibi Antoniu Quterreşə məktub göndərərək Təhlükəsizlik Şurasını Böyük Britaniya, Almaniya və Fransanın İran əleyhinə sanksiyaları bərpa etmək təşəbbüsünü rədd etməyə çağırıb.

İran, Çin və Rusiya üç Avropa ölkəsini Tehrana qarşı dağıdıcı mövqedən imtina etməyə və Təhlükəsizlik Şurasındakı fikir ayrılıqlarını daha da dərinləşdirəcək hərəkətlərdən çəkinməyə çağırıblar.

Məktubda bildirilir ki, “Avropa üçlüyü”nün Təhlükəsizlik Şurasındakı fəaliyyəti 2015-ci ildə İranla nüvə sazişi üzrə qəbul edilmiş 2231 saylı qətnaməyə ziddir və “snapback” mexanizminin aktivləşdirilməsi Təhlükəsizlik Şurasının sui-istifadəsi və üzvlərinin aldadılması cəhdi kimi qiymətləndirilir.

Qeyd edək ki, avqustun 28-də Böyük Britaniya, Almaniya və Fransa “snapback” mexanizminin işə salınmasına təşəbbüs göstərib. Onlar 30 gün ərzində İranın nüvə proqramı üzrə danışıqları davam etdirməyə və 18 oktyabrda müddəti bitəcək 2231 saylı qətnamənin sanksiyaların götürülməsini nəzərdə tutan müddətinin uzadılması üçün hazır olduqlarını bildiriblər.(Apa)