Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Gürcüstan Baş naziri: Azərbaycan sərhədinədək avtomagistralın inşası davam etdiriləcək

Tarix: 15-10-2025, 16:41

“Gürcüstanın strateji mövqeyi ölkənin əlaqələndirmə funksiyasını gücləndirir və biz bundan ölkənin iqtisadi potensialının maksimum istifadəsi üçün yararlanırıq”.

Bunu Gürcüstanın Baş naziri İrakli Kobaxidze BƏƏ-nin “Gulf News” nəşrinə müsahibəsində deyib.

Onun sözlərinə görə, Gürcüstan Orta Dəhliz kontekstində də funksiyasını gücləndirməyə çalışır.

“Bu məqsədlə biz infrastruktura böyük həcmdə investisiyalar yatırırıq. Biz bütün ölkəni əhatə edən yeni magistral yollar tikirik. Tbilisidən Acarıstana avtomobil yolunun inşası ilin sonunadək başa çatdırılacaq. Azərbaycan və Ermənistan sərhədlərinə qədər avtomobil magistrallarının tikintisinin davam etdirilməsi nəzərdə tutulur”, - İ.Kobaxdize söyləyib.

Baş nazir Qara dəniz sualtı kabelinin Gürcüstan üçün önəmindən də danışıb. O bildirib ki, bu layihənin reallaşması ilə Gürcüstan Avropa ölkələrinə elektrik enerjisi ixrac etməklə yanaşı rəqəmsal mərkəzə çevriləcək.