Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Gürcüstan parlamenti iki dövlət qurumunun ləğvini dəstəkləyib

Tarix: 17-12-2025, 17:59

Gürcüstan parlamenti Korrupsiyaya qarşı Mübarizə Bürosu və Şəxsi Məlumatların Mühafizəsi Xidmətinin ləğvini nəzərdə tutan qanunvericilik layihəsini yekun oxunuşda qəbul edib.

78 deputat layihənin lehinə, 1-i isə əleyhinə səs verib.

Hər iki dövlət qurumunun fəaliyyəti 2026-cı ilin martın 2-dən etibarən dayandırılacaq, funksiya və səlahiyyətləri Audit Xidmətinə veriləcək.

Bundan başqa 2026-cı ilin yanvarın 1-dən biznes ombudsmanı institutu da ləğv ediləcək. Biznes ombudsmanı fəaliyyətini iqtisadiyyat və dayanıqlı inkişaf nazirinin müşaviri vəzifəsində davam etdirəcək.

Qeyd edək ki, Korrupsiyaya qarşı Mübarizə Bürosu və Şəxsi Məlumatların Mühafizəsi Xidməti 2022-ci ildə yaradılmışdı. Biznes ombudsmanı vəzifəsi isə 2015-ci ildə təsis olunmuşdu.