Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Estoniya səfiri iqamətgahını Gürcüstandan Ermənistana köçürür

Tarix: 13-02-2026, 15:36

Estoniyanın Gürcüstanda və Ermənistanda akkreditə olunmuş səfiri Marqe Mardisala-Kaxarın Tbilisidəki fəaliyyəti dayandırılır.

Bu barədə qərarı Estoniyanın Xarici İşlər Nazirliyi (XİN) qəbul edib.

Qərara əsasən, bu vaxta qədər iqamətgahı Tbilisidə yerləşmiş səfir mart ayından etibarən İrəvanda fəaliyyət göstərəcək.

Dəyişikliyin edilməsinin səbəbi Estoniya ilə Gürcüstan arasında münasiblətlərin soyuması, eyni zamanda Ermənistanla əlaqələrin möhkəmləndirilməsidir. Marqe Mardisala-Kaxar Gürcüstandakı missiyasını martın 10-da başa çatdıracaq.

Yeni səfir təyin olunana qədər Estoniyanın Gürcüstandakı səfirliyinə müvəqqəti işlər vəkili Gita Kalmet rəhbərlik edəcək. Estoniya XİN Gürcüstana yeni səfirin nə zaman təyin olunacağı barədə məlumat açıqlamayıb.

Qeyd edək ki, Estoniyanın Ermənistanda səfirliyinin açılması barədə qərar ötən ilin noyabrında qəbul olunub. Diplomatik nümayəndəliyin mart ayında açılacağı gözlənilir.

Estoniyanın Gürcüstandakı səfirliyi 2006-cı, Gürcüstanın Estoniyadakı səfirliyi isə 2007-ci ildə açılıb. Hazırda Gürcüstanın Estoniyada səfiri yoxdur.(APA)