Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

KİV: Qətər-Türkiyə-Avropa qaz kəməri layihəsi bahalı və risklidir

KİV: Qətər-Türkiyə-Avropa qaz kəməri layihəsi bahalı və risklidir

Tarix: 21-04-2026, 11:31

 
Qətər-Türkiyə-Avropa qaz kəməri layihəsi, enerji daşıyıcılarının Hörmüz boğazı vasitəsilə daşınmasına mümkün alternativ kimi nəzərdən keçirilir, lakin bahalı və riskli hesab olunur.

Bu barədə Türkiyənin "Aydınlıq" qəzeti xəbər yayıb.

Məlumata görə, Səudiyyə Ərəbistanı, İordaniya, Suriya və Türkiyə ərazisindən keçməklə Avropaya qaz nəqli layihəsi 2000-ci ildə Qətər tərəfindən irəli sürülüb, lakin doqquz il sonra isə dondurulub. Yaxın Şərqdə, xüsusilə Suriyada geosiyasi vəziyyətin dəyişməsi fonunda layihənin yenidən gündəmə gətirilməsi müzakirə olunur.

Qəzet qeyd edir ki, Türkiyənin energetika naziri Alparslan Bayraktar yaxın günlərdə bu layihəni müzakirə etmək üçün Qətərə səfər etməyi planlaşdırır.

Nəşrin yazdığına görə, Avropa gündəlik təxminən 100 milyon kubmetr təbii qazı Rusiyadan idxal edir, 40 milyon kubmetr isə Hörmüz boğazı vasitəsilə çatdırılır. Ekspertlərin qiymətləndirməsinə əsasən, Qətər-Türkiyə-Avropa qaz kəməri gündəlik 100 milyon kubmetrə qədər qaz təmin edə bilər, lakin əsas problem qazın və boru kəmərinin özünün yüksək dəyəridir.

“Avropa ölkələrinin Rusiyadan idxal etdiyi təbii qazın 1 kubmetrinin qiyməti təxminən 5 ABŞ dolları, Hörmüz boğazı vasitəsilə daşınan qazın qiyməti isə 8 dollardır. Ekspertlərin hesablamalarına görə, Qətər-Türkiyə-Avropa qaz kəməri vasitəsilə tədarük ediləcəyi halda 1 kubmetr qazın qiyməti 12 dolları keçə bilər”, - "Aydınlıq" bildirir.

Qeyd edirlər ki, təxminən 4 min kilometr uzunluğunda olacaq magistralın geosiyasi münaqişə bölgələrindən keçməsi ciddi risk faktoru yaradır. Layihənin tikinti xərclərinin 20 milyard ABŞ dollarını keçə biləcəyi bildirilir.




RƏYLƏR


REKLAM

XƏBƏR LENTİ

POPULYAR XƏBƏRLƏR