Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Rusiyanın bir sıra regionları PUA hücumuna məruz qalıb, 13 nəfər yaralanıb

Rusiyanın bir sıra regionları PUA hücumuna məruz qalıb, 13 nəfər yaralanıb

Tarix: 7-05-2026, 10:56

Mayın 7-nə keçən gecə Rusiyanın müxtəlif regionlarına pilotsuz uçuş aparatları ilə kütləvi hücumlar həyata keçirilib.

“Interfax”ın məlumatına görə, hücumların ən çox Bryansk vilayətində qeydə alındığı bildirilir.

Vilayətin qubernatoru Aleksandr Boqomaz bildirib ki, Bryanskın Bejitski rayonuna endirilən zərbə nəticəsində 13 nəfər, o cümlədən bir uşaq yaralanıb.

Bütün yaralılar xəstəxanaya yerləşdirilib. Hücum nəticəsində iki çoxmərtəbəli yaşayış binası, 20-dən çox mənzil və təxminən 40 avtomobilə ziyan dəydiyi qeyd olunub.

Həmçinin Rjev şəhərinin hücuma məruz qaldığı deyilir. Qubernator Vitaliy Korolev bildirib ki, üç yaşayış binasına ziyan dəyib, lakin xəsarət alan olmayıb. Təxminən 350 nəfər, o cümlədən 60 uşaq təxliyə edilib.

Samara vilayətində PUA hücumu səbəbindən “Xalça” planı tətbiq olunub və hava limanlarının fəaliyyəti məhdudlaşdırılıb. Bir sıra şəhərlərdə hava həyəcan siqnalları səsləndirilib.

Moskva istiqamətində isə gecə və səhər saatlarında ümumilikdə 11 pilotsuz aparatın vurulduğu açıqlanıb. Şəhər meri Sergey Sobyaninin sözlərinə görə, fövqəladə xidmətlərin əməkdaşları dron qalıqlarının düşdüyü ərazilərdə işləyirlər.

Hücumlar fonunda Şeremetyevo və Vnukovo hava limanlarının fəaliyyəti müvəqqəti məhdudlaşdırılıb. Sonradan Şeremetyevodakı məhdudiyyətlər aradan qaldırılsa da, Vnukovo hava limanı hələ də bağlı qalır.

Məlumata əsasən, Moskvadan 37 reys gecikib, üç reys isə ləğv olunub.




RƏYLƏR


REKLAM

XƏBƏR LENTİ

POPULYAR XƏBƏRLƏR