Son Xəbər: Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb, Şükufə Yusupova qəzaya düşdü - Vəziyyəti ağırdır, Qətər əsir götürülmüş pilotlarla bağlı İranın ekspert qrupunu qəbul edəcək, M6 nömrəli ekspres marşrutunun hərəkət sxemində dəyişiklik edilir, Bakıda oğurluq edən şəxslər saxlanılıblar, İran İraq tankerlərinin Hörmüzdən keçməsinə icazə verib, DİN: Ötən gün 2 avtomat, 13 tüfəng aşkarlanıb, Xəzər dənizində zəlzələ olub, Azərbaycan Premyer Liqası: II tura bu gün start verilir,

Ukrayna ordusu üç körpünü, sursat anbarını və idarəetmə məntəqələrini vurub

Tarix: 29-06-2026, 18:45

Ukrayna ordusu Donetsk vilayətinin Novoazovsk rayonu yaxınlığındakı avtomobil körpüsü, həmçinin Luqansk vilayətində yerləşən iki dəmir yolu körpüsünə zərbə endirib.

Bu barədə Ukrayna ordusunun Baş Qərargahı “Telegram” kanalında məlumat yayıb.

Məlumata görə, Rusiya ordusu bu obyektlərdən şəxsi heyətin, silah-sursatın və maddi-texniki vasitələrin daşınması üçün istifadə edib.

Zərbələrin nəticələri dəqiqləşdirilir.

Bundan başqa, Luqansk vilayətinin Novosvitlivka yaşayış məntəqəsi yaxınlığında Rusiya ordusuna məxsus maddi-texniki təminat anbarı vurulub.

Həmçinin Zaporojye vilayətinin Qulyaypole, Rusiyanın Kursk vilayətinin Tyotkino və Donetsk vilayətinin Baxmut rayonlarında Rusiyaya məxsus üç pilotsuz uçuş aparatı (PUA) idarəetmə məntəqəsi, eləcə də Donetsk vilayətinin Velikaya Novosilka rayonu yaxınlığında radioelektron mübarizə bölməsinin idarəetmə məntəqəsi zərbəyə məruz qalıb.

29-06-2026, 18:45 53 Dünya