Tənəffüs zamanı şagirdlərin bir yerə toplanmasına icazə verilməyəcək

Tarix: 16-09-2021, 14:03

Məktəblərdə tənəffüs zamanı şagirdlərin bir yerə toplanmasına icazə verilməyəcək.

Bunu Təhsil Nazirliyinin Ümumi təhsilin təşkili və idarə olunması şöbəsinin əməkdaşı Elçin Kərimov "Media və təhsil dialoqu" mövzusunda keçirilən təlimdə çıxışı zamanı deyib.

O bildirib ki, bununla bağlı yeni təlimatlar hazırlanır və yaxın günlərdə ictimaiyyətə açıqlanması planlaşdırılır: "Şagird sıxlığı müşahidə olunan məktəblərdə mövcud problemlərin aradan qaldırılması ilə bağlı təhlillər aparılır. Nəzərdə tutulur ki, şagird sayı çox olan sinifləri daha böyük ölçülü siniflərə keçirilsin. Bir partada bir yox, iki uşağın da oturması məsələsi var".