Son Xəbər: Xankəndidə yaşıllıqları qanunsuz kəsənlər cərimələnib, Prezident İlham Əliyevin Türkmənistana işgüzar səfəri başa çatıb, Məktəblərdə geyim formalarına dair monitorinqlər təşkil ediləcək, Sərdar Berdiməhəmmədov: Xəzərin ekoloji vəziyyətinin yaxşılaşdırılması Türkmənistan üçün prioritetdir, Milli Məclisin növbəti plenar iclasında 13 məsələ müzakirə ediləcək, Azərbaycanda şənbə günü yağış yağacaq, şimşək çaxacaq, MDB-də Azərbaycan dövrü - Bakı bölgənin prioritetlərini müəyyənləşdirir, Lukaşenko Azərbaycanın MDB-yə sədrlik etmək qərarını tarixi an adlandırıb, Prezident: Azərbaycan-Türkmənistan münasibətləri strateji tərəfdaşlıq xarakteri daşıyır, Bakının Günəşli qəsəbəsində avtomobillərin hərəkəti məhdudlaşdırılacaq,

Prezidentdən Qarabağda yaşayan ermənilərlə bağlı AÇIQLAMA

Tarix: 27-09-2021, 17:24

“Qarabağda yaşayan erməniləri öz vətəndaşlarımız sayırıq. Onlar Azərbaycan torpaqlarında yaşayırlar. Qarabağ hər zaman Azərbaycan ərazisi olub. İstər sovet dövründə, istər əvvəlki dövrdə, istərsə də işğal dövründə Azərbaycan torpağı olub”.

Bunu Azərbaycan Prezidenti İlham Əliyev "Anadolu" agentliyinə müsahibəsində deyib.

“Biz onları Azərbaycan vətəndaşı hesab edirik. Sadəcə olaraq onlar bunu qəbul etməlidirlər. Onlar bu erməni probaqandasından öz yaxalarını qurtarmalıdırlar. Onlar öz gələcəyini, uşaqlarının gələcəyini təmin etməlidirlər. Biz onları da bərpa-yenidənqurma işlərinə cəlb etməyə hazırıq. Niyə də etməyək? Biz gələcəyə strateji nöqteyi-nəzərdən, sülh prizmasından yanaşırıq. Çünki mən istəyirəm ki, bir də müharibə olmasın. Hər halda, biz müharibəyə başlamayacağıq - əgər Ermənistan tərəfində revanşist meyllər baş qaldırmasa. Əgər biz görsək ki, Ermənistanda bizə qarşı hər hansı bir təhdid yaranır, biz o təhdidi məhv etməliyik. Bu, bizim legitim hüququmuzdur. Amma bu təhdid olmasa, bizim başqa fikrimiz yoxdur”, - Prezident vurğulayıb.