Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Avtomobil rüsumları yeni qaydada alınacaq - Hansı maşına görə nə qədər ödənməlidir?

Avtomobil rüsumları yeni qaydada alınacaq - Hansı maşına görə nə qədər ödənməlidir?

Tarix: 1-11-2021, 12:09


Fiziki şəxslər tərəfindən minik avtomobillərinin özgəninkiləşdirilməsi ilə bağlı rüsumların məbləği gələcəkdə Nazirlər Kabinetinin qərarı ilə yox, "Dövlət rüsumu haqqında” Qanunla tənzimlənəcək.

Minik avtomobillərinin özgəninkiləşdirilməsi ilə bağlı rüsum və qaydalar Nazirlər Kabinetinin 2018-ci ilin iyulun 31-də qəbul etdiyi qərarla tənzimlənir. "Dövlət rüsumu haqqında” Qanuna təklif edilən əlavə və dəyişiklik layihəsi qəbul ediləndən sonra həmin qərarda olan qaydalar qanunda öz əksini tapacaq.

Nazirlər Kabinetinin qərarına əsasən minik avtomobillərinin dövlət qeydiyyatına alınmasına görə dövlət rüsumu aşağıdakı məbləğlərdə müəyyən edilir:

Minik avtomobilinin mühərrikinin həcmi:

2000 kubsantimetrədək olduqda mühərrikin həcminin hər kubsantimetrinə görə – 0,05 manat,

3000 kubsantimetrədək olduqda 100 manat + mühərrikin həcminin 2001-3000 kubsantimetr hissəsi üçün hər kubsantimetrə görə – 0,1 manat, 4000 kubsantimetrədək olduqda 200 manat + mühərrikin həcminin 3001-4000 kubsantimetr hissəsi üçün hər kubsantimetrə görə – 0,2 manat,

5000 kubsantimetrədək 400 manat + mühərrikin həcminin 4001-5000 kubsantimetr hissəsi üçün hər kubsantimetrə görə – 0,3 manat, 5000 kubsantimetrdən çox olduqda 1500 manat rüsum ödənilir.

Rüsumun məbləğinə avtomobilin istehsal tarixinə görə əmsal da tətbiq edilir. Əmsal, minik avtomobilinin istehsal tarixi 4 ilədək olduqda 1, istehsal tarixi 4 ildən 10 ilədək olduqda 0,8, istehsal tarixi 10 ildən çox olduqda 0,3-dür.

Məsələn, mühərrik həcmi 2000 kubsantimetr, istehsal tarixi isə 12 olan avtomobilin sahibi qeydiyyat zamanı 200 manat yox, 60 manat (200*0,3) ödəyir.
Hazırda mövcud olan və Nazirlər Kabinetinin qərarı ilə təmzimlənən bu qayda və rüsumlar 2022-ci ildən "Dövlət rüsumu haqqında” Qanunla eyni şəkildə əksini tapacaq.




RƏYLƏR


REKLAM

XƏBƏR LENTİ

POPULYAR XƏBƏRLƏR