Baş bankir bahalaşmadan DANIŞDI

Tarix: 16-11-2021, 12:52

2021-ci ildə Azərbaycanda fiskal sabitlik təmin edilib.

Bunu Milli Məclisin iclasında Mərkəzi Bankın sədri Elman Rüstəmov 2022-ci il dövlət və icmal büdcə layihələrinin müzakirəsi zamanı deyib.

Onun sözlərinə əsasən, dövlət borcunun səviyyəsi məqbuldur. Elman Rüstəmov bildirib ki, 2021-ci ilin əvvəlindən Azərbaycanda pul bazası artıb.

O, xarici təsirlər milli iqtisadiyyatda inflyasiyasının səviyyəsinə təsir edir.

“Biz artıq inflyasiyanın hədəflənməsi rejiminə keçmişik. Bu, iqtisadiyyatda inflyasiyasının trayektorasını müəyyən edəcək”, - deyə Elman Rüstəmov əlavə edib.

O bildirib ki, Azərbaycanda bəzi məhsulların qiymətinin bahalaşması təbii amillərlə əlaqədar olsa da, bəziləri süni qiymət artımına məruz qalır.