Son Xəbər: Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb, Şükufə Yusupova qəzaya düşdü - Vəziyyəti ağırdır, Qətər əsir götürülmüş pilotlarla bağlı İranın ekspert qrupunu qəbul edəcək, M6 nömrəli ekspres marşrutunun hərəkət sxemində dəyişiklik edilir, Bakıda oğurluq edən şəxslər saxlanılıblar, İran İraq tankerlərinin Hörmüzdən keçməsinə icazə verib, DİN: Ötən gün 2 avtomat, 13 tüfəng aşkarlanıb, Xəzər dənizində zəlzələ olub, Azərbaycan Premyer Liqası: II tura bu gün start verilir,

Ukrayna Saakaşvili ilə bağlı Gürcüstana müraciət etdi

Tarix: 29-12-2021, 11:02

Ukrayna Xarici İşlər Nazirliyi Gürcüstana müraciət edərək keçmiş prezident Mixeil Saakaşvilini hərbi hospitaldan həbsxanaya qaytarmamağa çağırıb.

Bu barədə Ukrayna Xarici İşlər Nazirliyi məlumat yayıb. Xarici İşlər Nazirliyi həm də Ukrayna vətəndaşı olan Saakaşviliyə hörmətlə yanaşmağa, onun həyatı və sağlamlığına təhlükə yaradan hərəkətlərə yol verməməyə çağırıb:

“Mixeil Saakaşvilinin səhhəti buna imkan vermir. Onun əlavə reabilitasiyaya ehtiyacı var. Gürcüstan tərəfi ukraynalı həkimlərin müayinə etməsi üçün Mixeil Saakaşviliyə getməsinə icazə verməlidir".

Eyni zamanda, Ukrayna Xarici İşlər Nazirliyinin bəyanatına əsasən, Ukraynanın Gürcüstandakı konsulu bu gün Qori Hərbi Hospitalında Mixeil Saakaşvilini ziyarət edəcək .

Xatırladaq ki, Gürcüstanın keçmiş Prezidenti noyabrın 8-də Tbilisidəki Qldani türməsinin xəstəxanasında müalicəyə alınıb. Əlli gün aclıq aksiyası keçirən siyasətçi noyabrın 20-də Qoridəki hərbi hospitala köçürülüb. M.Saakaşvili bundan sonra aclıq aksiyasını dayandırıb.