Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

“Qazaxıstana hərbçi göndərməyə qarşı çıxmayın” - Japarov parlamentə səsləndi

“Qazaxıstana hərbçi göndərməyə qarşı çıxmayın” - Japarov parlamentə səsləndi

Tarix: 6-01-2022, 18:48

Qırğızıstan Prezidenti Sadır Japarov Joqorku Keneşin (birpalatalı parlament) deputatlarını Kollektiv Təhlükəsizlik Müqaviləsi Təşkilatının (KTMT) sülhməramlı qüvvələrinin tərkibində Qırğızıstan hərbçilərinin Qazaxıstana göndərilməsinə mane olmamağa çağırıb.

Mediabiz.az TASS-a istinadən xəbər verir ki, o, bu barədə Feysbuk səhifəsində yazıb.

"Hərbçilərimizi nümayişkaranə qazax qardaşlara atəş açmağa göndərmirik. Əminik ki, öz xalqına atəş açmayan əsgərlərimiz qazax qardaşlarımıza atəş açmayacaq. Əksinə, onları güclənməyə kömək etməyə göndəririk", - Japarov bildirib.

Bu gün Qırğızıstan parlamenti kvorum olmadığı üçün Qazaxıstana hərbçilərin göndərilməsi məsələsinə baxa bilməyib. İclas yanvarın 7-nə təxirə salınıb.

Prezident qeyd edib ki, hazırda Qazaxıstan bir çox strateji dövlət obyektlərini qorumaq üçün kifayət qədər təhlükəsizlik qüvvələrinə malik deyil:

"Onlar bizdən kömək istədilər. Biz kömək etməliyik, çünki biz KTMT-nin daimi üzvləriyik. Biz kömək göstərmək niyyətindəyik. Amma əvvəlcə hərbçilərimizin hara göndəriləcəyini, hansı qurumları qoruyacağını və bütün digər məsələləri öyrənəcəyik. Hörmətli deputatlar, sizdən xahiş edirəm, buna qarşı çıxmayın".

Qeyd edək ki, Qırğızıstan qanunvericiliyinə uyğun olaraq, respublikanın hərbi qulluqçularının xaricə göndərilməsi barədə qərarı milli parlament qəbul edir, bundan sonra dövlət başçısı tərəfindən imzalanmalıdır.




RƏYLƏR


REKLAM

XƏBƏR LENTİ

POPULYAR XƏBƏRLƏR