"Zelenski Kiyevdə, öz xalqının yanındadır" - YENİLƏNİB

Tarix: 4-03-2022, 21:58

Xəbər verdiyimiz kimi, bu gün Rusiya Dövlət Dumasının spikeri Vyaçeslav Volodin öz teleqram kanalında Ukrayna Prezidenti Volodimir Zelenskinin Polşaya qaçdığını iddia edib.

Ukrayna tərəfi bu məlumatı təkzib edib.

Ukrayna Dövlət Xüsusi Rabitə Xidməti bildirib ki, Rusiya infornasiya müharibəsi aparmağa davam edirlər.

"Onlar prezident Volodimir Zelenskinin Ukraynanı tərk etməsi ilə bağlı saxta məlumat yayıblar. Bu, həqiqətə uyğun deyil. Prezident Kiyevdədir. O, öz xalqının yanındadır! Bu məlumatı Xerson vilayətindən olan tanışlarınıza, dostlarınıza, qohumlarınıza bütün mümkün vasitələrlə çatdırın", - deyə məlumatda bildirilir.

xxx

17:21

"Ukrayna prezidenti Vladimir Zelenski ölkəni tərk edib, hazırda Polşadadır".

Mediabiz.az "TASS"a  istinadən xəbər verir ki,  bunu Rusiya Dövlət Dumasının spikeri Vyaçeslav Volodin "Telegram" kanalında məlumat verib.

"Zelenski Ukraynanı tərk etdi. Ali Radanın deputatları dedilər ki, Lvovda onun yanına gedə bilməyəcəklər. İndi o, Polşadadır", - o yazıb.