Son Xəbər: Cəlilabadın Göytəpə şəhərində Şəhidlər kompleksinin tikintisinə başlanılıb, Prezident ARDNF-in ötənilki büdcəsinin icrasını təsdiq edib, Bakıda külək güclənəcək - XƏBƏRDARLIQ, Türkiyə MMU-nun rektor müavini Naxçıvana səfər edib, Müəllimlərin işə qəbulu üzrə müsabiqənin ödəniş sistemi aktiv olub, Aİ ölkələri meşə yanğınlarına görə yardım istəyir, Sabah 37 dərəcə isti olacaq, Bakının mərkəzi piyada zonalarında ödənişsiz şatllar fəaliyyətə başlayıb, Zelenski: "Patriot" üçün raketlərin Ukraynaya verilməməsi Rusiyanı yeni hücumlara həvəsləndirir, Şuşada çərkəz musiqiləri ifa edilib,

Azərbaycanla BƏƏ arasında yeni sənədlər imzalandı

Tarix: 15-03-2022, 13:37

Bu gün Azərbaycan və Birləşmiş Ərəb Əmirlikləri (BƏƏ) arasında bir sıra yeni sənədlər imzalanıb.

Həmin sənədlərə "Qaradağ" Günəş Elektrik Stansiyasının təməlqoyma mərasimi çərçivəsində imza atılıb.

Bunlardan biri “Dənizdə inteqrasiya edilmiş bərpa olunan enerji sahəsində əməkdaşlığa dair Anlaşma Memorandumu”dur ki, onu Azərbaycanın energetika nazirinin müavini Samir Vəliyev və BƏƏ-nin “Masdar” şirkətinin İdarə Heyətinin sədri Məhəmməd Camal Əl Ramahi (Mohammad Jameel Al Ramahi) imzalayıb.

Bundan başqa, ərəb qonaq Azərbaycan rəsmiləri ilə daha 3 sənədə imza atıb. Bunlar “Azərbaycan Dəmir Yolları” QSC-nin sədr müavini Hicran Valehovla birgə imzalanmış “Bərpa olunan enerji və enerji səmərələliyi sahəsində Anlaşma Memorandumu”, İqtisadiyyat Nazirliyinə məxsus “Azərbaycan İnvestisiya Şirkəti” ASC-nin icraçı direktoru Ülvi Mansurovla birgə imzalanmış “Bərk məişət tullantılarından enerji istehsalı sahəsində Anlaşma Memorandumu”, Energetika Nazirliyi yanında Bərpa Olunan Enerji Mənbələri Dövlət Agentliyinin direktoru Təbriz Əmmayevlə birgə imzalanmış “Qarabağ və Şərqi Zəngəzur iqtisadi rayonlarında bərpa olunan və təmiz enerji sahəsində əməkdaşlığa dair Anlaşma Memorandumu”dur.