Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

BXA əməkdaşları akademiyanı Qazaxıstanda fəxri qonaq qismində təmsil edirlər

BXA əməkdaşları akademiyanı Qazaxıstanda fəxri qonaq qismində təmsil edirlər

Tarix: 18-03-2022, 17:05



Bakı Xoreoqrafiya Akademiyasının (BXA) tədris şöbəsinin müdiri, dosent Yeganə Tapdıqova və Baletmeyster sənəti kafedrasının müdiri, professor Lyudmila Həsənova Qazaxıstan Milli Xoreoqrafiya Akademiyasının dəvəti ilə Qazaxıstanın Nur-Sultan şəhərinə ezam olunublar. Səfər çərçivəsində BXA əməkdaşları Respublika Fənn Olimpiadası və Mintay Jelenyeviç Tleubayevin 75 illiyinə həsr olunmuş Gənc xoreoqrafların IV müsabiqəsində fəxri qonaq qismində iştirak edirlər.

Səfərin ilk günü Qazaxıstan Milli Xoreoqrafiya Akademiyasının prorektoru, Qazaxıstanın əməkdar incəsənət xadimi Nusipjanova Bibigül Nurqaliyevan ilə görüş keçirilib. Görüş zamanı Bakı Xoreoqrafiya Akademiyası və Qazaxıstan Milli Xoreoqrafiya Akademiyası arasında təhsil sahəsində əməkdaşlığın cari vəziyyəti və perspektivlərinə dair fikir mübadiləsi aparılıb.

Bildirilib ki, BXA bir çox xarici ali təhsil müəssisələri ilə ikitərəfli və çoxtərəfli formatda müqavilələr imzalayıb, eyni zamanda, əməkdaşlıq əlaqələrini genişləndirir:

“Təbii ki, bütün bunlar tədris prosesində əldə edilən biliklərin təcrübədə tətbiqi, tələbələrin bacarıqlarının üzə çıxarılması, yeni peşəkar xoreoqrafların yetişdirilməsi üçün atılan unikal addımdır”.

Hər iki ali təhsil müəssisəsi tərəflər arasında mövcud əməkdaşlığı təşviq və gücləndirirməyə dair razılığa gəliblər.

Qeyd edək ki, BXA əməkdaşlarının fəxri qonaq qismində iştirak etdikləri Gənc xoreoqrafların IV müsabiqəsində Abay adına Qazax Milli Pedaqoji Universitetinin, M.Utemisov adına Qərbi Qazaxıstan Universitetinin, T.Jurgenov adına Qazaxıstan Milli İncəsənət Akademiyasının, M.Auezov adına Cənubi Qazaxıstan Universitetinin, Qazaxıstan Milli Qadın Pedaqoji Universitetinin, Qorqud Ata adına Qızılorda Dövlət Universitetinin, M.X.Dulati adına Taraz regional Universitetinin, K.Jubanov adına Aktyubin regional Universitetinin və Qazaxıstan Milli Xoreoqrafiya Akademiyasının tələbələrindən ibarət komandalar iştirak edir. Gənc xoreoqrafların IV müsabiqəsi kifayət qədər nüfuzlu və tanınmış müsabiqə hesab olunur.

Qeyd edək ki, Bakı Xoreoqrafiya Akademiyası və Qazaxstan Milli Xoreoqrafiya Akademiyası arasında 2016-cı il tarixindən qarşılıqlı əməkdaşlıq müqaviləsi mövcuddur.





RƏYLƏR


REKLAM

XƏBƏR LENTİ

POPULYAR XƏBƏRLƏR