Son Xəbər: Aİ-nin Ermənistandakı yeni missiyasının əsas fəaliyyət istiqamətləri açıqlanıb, TƏBİB: Metrodakı hadisə ilə bağlı 2 nəfər xəstəxanaya yerləşdirilib, 9 nəfərə yerində yardım göstərilib, Onlar da güzəştli ipoteka kreditindən yararlana biləcək - Fərman, Vilayət Eyvazovdan yetkinlik yaşına çatmayanlarla bağlı - Tələb, 3 ayda 7738 cinayət qeydə alınıb - 85,9 faizinin üstü açılıb, Metronun fəaliyyəti bərpa olundu - Yenilənib, Ukrayna Rusiyanın neft stansiyasına hücum edib, yanğın baş verib, Soheyl Mahmud: Azərbaycanın təşəbbüsü D-8 çərçivəsində əməkdaşlığa təkan verəcək, Bakı metrosunun bütün stansiyalarına giriş müvəqqəti məhdudlaşdırılıb, Kənar dairəvi yolda minik maşını "Kamaz"la toqquşub, ölən və xəsarət alanlar var,

Un və çörəyin qiyməti yenidən arta bilər

Tarix: 22-04-2022, 13:55

"Hansı ölkədən alınmasından asılı olmayaraq, son bir ayda dünya bazarlarında buğdanın qiyməti yenidən artıb".

Bunu "Unikal"a açıqlamasında iqtisadçı Natiq Cəfərli deyib. Onun sözlərinə görə, Azərbaycan indi Hindistan və Qazaxıstanla danışıqlar aparır.

"Fevral və mart ayında Qazaxıstandan buğda alışı kifayət qədər artıb. Amma buna baxmayaraq qiymət yenə də dəyişib. Ötən ilin birinci rübü ilə müqayisədə ölkəyə idxal edilən buğdanın dəyəri 30,6% artıb, həcmi isə 2,7% azalıb. Bu onu göstərir ki, yeni məhsul çıxana qədər qiymət artımı davam edəcək. Bəlkə yeni məhsul çıxandan sonra bir qədər ucuzlaşma olsun. O da məhsuldarlıqdan asılı olacaq. Dünyanın əsas taxıl anbarları hesab olunan ölkələrdə (Kanada, Misir və s.) taxıl bolluğu olarsa, o zaman bəlkə qiymətlərdə müəyyən ucuzlaşma olsun".

N.Cəfərli bildirib ki, indiki şəraitdə qiymətin yaxın zamanlarda aşağı düşməyəcəyini demək mümkündür:

"Bu da Azərbaycanda növbəti dəfə un, un məmulatlarının və çörəyin qiymətinin artmasına səbəb ola bilər. Belə ki, baha qiymətə alınmış taxıldan istehsal olunmuş un və çörəyin yüksək qiymətə satılması məcburiyyəti olacaq. Bu səbəbdən də dövlət tərəfindən müəyyən dotasiyalar verilməlidir. Hələki bununla bağlı müzakirələr belə yoxdur".