Erməni nazir Qarabağla bağlı mövqeyini açıqlamaqdan çəkindi

Tarix: 31-05-2022, 18:07

“Mənim Qarabağla bağlı mövqeyim hökumətin proqramında öz əksini tapıb”.

Mediabiz.az “News.am”a istinadən xəbər verir ki, bunu Ermənistanın fövqəladə hallar naziri Armen Pambuxçyan KİV nümayəndələrinin suallarına cavab verərkən deyib.

Məlumata görə, Pambuxçyan jurnalistlərin ““Artsax” heç vaxt Azərbaycanın tərkibində olmayacaq” deyimi ilə razılaşıb-razılaşmadığı barədə suala cavabında deyib: “Mənim mövqeyim hökumətin proqramında əks olunub, hazırda aparılan danışıqlarla tam razıyam. Bu, mənim şəxsi mövqeyimdir. Düşünürəm ki, Fövqəladə Hallar Nazirliyi və nazir belə bir qiymətləndirmə aparmaq səlahiyyətində deyil”.