Son Xəbər: ABŞ İran nefti daşıyan tankeri ələ keçirib, Hesablama Palatası: Sığorta bazarında dövlət sifarişləri üzrə rəqabət zəifdir, Pakistan İranı konstruktiv addımlar atmağa çağırıb, Sabah bütün müavinət, təqaüd, kompensasiya və ünvanlı yardımlar ödəniləcək, İlham Əliyev: Dünyadakı təhdidlər Azərbaycandakı ağsaqqallıq institutunun əhəmiyyətini vurğulayır, I rübdə vergi cinayətləri faktları üzrə 89 cinayət işi başlanılıb, Latviya Prezidentinin Azərbaycana səfəri başa çatıb, İran Hörmüz boğazında Cənubi Koreya ilə əməkdaşlığa hazır olduğunu bəyan edib, FHN gözlənilən küləkli və qeyri-sabit hava şəraiti ilə əlaqədar əhaliyə müraciət edib, Mikayıl Cabbarov Avropa çempionu olan yunan-Roma güləşi millisini təbrik edib,

2022-ci ilin dövlət büdcəsinə yenidən baxılacaq

Tarix: 4-06-2022, 13:02

Prezident İlham Əliyevin mayın 27-si Zəngilan rayonunda çıxışı zamanı iqtisadiyyatımızın mövcud müsbət nəticələrini nəzərə alaraq 2022-ci ilin dövlət büdcəsinə əlavələr edilməsi ilə bağlı Hökumətə verdiyi tapşırıqdan irəli gələrək İqtisadi Şuranın növbəti iclası keçirilib.

İclasda cari ilin ötən dövrü üzrə iqtisadi vəziyyət, ortamüddətli sosial-iqtisadi proqnoz göstəriciləri, büdcə gəlirlərinin nəzərdə tutulandan daha çox icra olunması, 2022-ci ilin dövlət büdcəsinə yenidən baxılması (dürüstləşmə) və digər cari məsələlər geniş müzakirə olunub.

İclasda iqtisadiyyat naziri Mikayıl Cabbarovun və maliyyə naziri Samir Şərifovun, eləcə də Mərkəzi Bankın sədri Taleh Kazımovun məruzələri dinlənilib.

2022-ci ilin dövlət büdcəsinə əlavə düzəlişlər hazırlanaraq baxılması üçün Prezidentə təqdim olunması ilə bağlı aidiyyəti qurumlara müvafiq tapşırıqlar verilib.