Son Xəbər: Ali Məhkəmənin hakimi intihar etdi, Prezident onları təltif etdi - Siyahı, İlham Əliyev iki nazirə yeni vəzifə verdi, Belçika Ukraynaya F-16 qırıcıları tədarük edə bilər, Nərimanovda “Yaşıl dünya ili”nə qarşı cinayət – bələdiyyə sədri ağacları qətl etdi-FOTOLAR, FIFA prezidenti “Qarabağ”ı təbrik etdi, “Azeri Light”ın qiyməti 90 dolları ötdü, Ermənistan XİN: Azərbaycandan sülh sazişinə dair təkliflər almışıq, ABŞ Kiyevə Krımı bu raketlə vurmağa icazə verdi, Musiqi və incəsənət məktəblərinə şagird qəbulu ilk dəfə elektron qaydada aparılacaq,

Həccə gedəcək zəvvarların neçəsi qadındır? - QMİ-dən açıqlama

Tarix: 8-06-2022, 09:38

Azərbaycandan Həcc ziyarətinə gedəcək zəvvarlar arasında qadınlar da var.

Bu barədə Modern.az-a açıqlamasında Qafqaz Müsəlmanları İdarəsinin (QMİ) xarici əlaqələr şöbəsinin müdiri Vüsal Cahangiri bildirib.

Onun sözlərinə görə, bu il zəvvarların 30 faizini qadınlar təşkil edir.

“Bu il Azərbaycandan Həcc ziyarətinə gedəcək zəvvarların 70 faizi kişi, 30 faizi qadınlardır”, - deyə QMİ rəsmisi vurğulayıb.

Həccə gedəcək ən gənc zəvvarın 22 yaşı var, ən yaşlı isə 1958-ci il təvəllüdlüdür. Səfərlər 29-30 iyun, 1-2 iyul tarixlərində baş tutacaq.

Qeyd edək ki, iyunun 1-də Azərbaycanda Həcc ziyarətinə gediş üçün sənəd qəbulu başa çatıb, qısa müddət ərzində 680 nəfərlik kvota yeri dolub. Pandemiya şəraiti davam etdiyindən 65 yaşdan yuxarı vətəndaşların ziyarətə getməsinə icazə verilməyib. Bu il Həcc ziyarətinin qiyməti 5350 ABŞ dolları müəyyən edilib.