Son Xəbər: Ceyhun Bayramov NATO rəsmisi ilə enerji təhlükəsizliyi və regional prosesləri müzakirə edib, İran XİN: Hörmüz boğazından keçid minalara görə məhdudlaşdırıla bilər, İlham Əliyevin Türkiyəyə işgüzar səfəri ilə bağlı paylaşım edilib, İshaq Dar: Şahbaz Şərif Antalyada Ərdoğanla səmərəli danışıqlar aparıb, Başlıbel qətliamından 33 il ötür, Yol polisi əlverişsiz hava şəraitində yollardakı vəziyyətlə bağlı sürücülərə müraciət edib, Kişi voleybolçular arasında Azərbaycan Yüksək Liqasının qalibi müəyyənləşir, Qalibaf Trampı 7 yalan danışmaqda ittiham etdi, Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib,

Ukraynaya daha 800 milyon dollarlıq hərbi yardım edəcəyik - Bayden

Tarix: 30-06-2022, 18:48

ABŞ yaxın günlərdə Ukraynaya ümumi məbləği 800 milyon dollar olan yeni hərbi yardım paketinin ayrılmasını elan edəcək.

Mediabiz.az RİA Novosti-yə istinadən xəbər verir ki, bu barədə ABŞ prezidenti Co Bayden bildirib.

O qeyd edib ki, yeni paketə hava hücumundan müdafiə sistemləri, əlavə artilleriya və döyüş sursatları, əks-akkumulyator radarları, eləcə də artıq Ukraynaya təhvil verilmiş çoxsaylı buraxılış raket sistemləri üçün sursatlar daxildir.

G7 ölkələri (Almaniya, ABŞ, Böyük Britaniya, Fransa, İtaliya, Kanada və Yaponiya) əvvəllər silah tədarükü də daxil olmaqla, lazım olduğu müddətdə Ukraynanı dəstəkləyəcəklərini bəyan etmişdilər. G7 həmçinin vurğulayıb ki, onlar Ukraynanın azad və demokratik gələcəyini təmin etmək və özünümüdafiə məsələsində ona kömək etmək üçün uzunmüddətli təhlükəsizlik zəmanətləri ilə bağlı maraqlı ölkələrlə danışıqlar aparmağa hazırdırlar.

Bu ölkələr artıq Kiyevə 2,8 milyard dollar məbləğində humanitar yardım göstərib və Ukraynaya daha 29,5 milyard dollar verməyə hazır olduqlarını bildiriblər.