Son Xəbər: Ermənilər sərhəd müəyyənləşməsini NİYƏ YUBADIR? - "Özləri zərərli çıxacaq...", "İntihar etməyin, gəlin biganə məmurları birlikdə ifşa edək" - Polkovnik qazilərə səsləndi, Avrozonada rekord inflyasiya: Azərbaycana təsiri nə olacaq? - AKTUAL, Bu məktəbin şüşələri yoxdur, döşəməsi isə çürükdür - Video, Sürücülər yolu bağladı - Ermənistanda etiraz (VİDEO), “Şimal axını” dayandırılacaq - Rusiya Avropanın qazını kəsəcək, Makron üç ay sonra Putinə zəng etdi, Prezident Kubaya yeni səfir təyin ETDİ, İlham Əliyevdən Elxan Poluxovla bağlı SƏRƏNCAM, Prezident bu ölkələrə yeni səfirlər təyin etdi - SƏRƏNCAM,

Qurbanlıq heyvanların satış və kəsim yerləri AÇIQLANDI - SİYAHI

Qurbanlıq heyvanların satış və kəsim yerləri AÇIQLANDI - SİYAHI

Tarix: 2-07-2022, 11:34

 
Azərbaycan Qida Təhlükəsizliyi Agentliyi (AQTA) Qurban bayramında fəaliyyət göstərəcək heyvan satışı və kəsimi yerləri barədə məlumat yayıb.

Agentlikdən verilən məlumata görə, iyulun 9-10-da qeyd olunacaq Qurban bayramı günlərində qurbanlıq heyvan kəsimi və satışının müvafiq norma və qaydalara uyğun, təhlükəsiz və sağlam şəraitdə həyata keçirilməsi məqsədilə ölkə üzrə 134 ünvanda qurbanlıq heyvanların satışı və kəsimi xidmətləri təşkil ediləcək.

Həmin satış məntəqələrində baytarlıq nəzarətindən keçmiş və sanitar-gigiyenik tələblər gözlənilməklə kəsilmiş qurbanlıq heyvanlar sifarişçilərə təqdim olunacaq. Bununla yanaşı, bir sıra regionlarda Azərbaycan Respublikasının Qida Təhlükəsizliyi Agentliyi ilə razılaşdırılmaqla, səyyar heyvan kəsimi çadırları quraşdırılaraq qurbanlıq heyvanların baytarlıq nəzarəti altında kəsimi və satışı həyata keçiriləcək.

Ölkə ərazisində fəaliyyət göstərən kifayət qədər soyuducu infrastruktura malik ticarət şəbəkələri tərəfindən əvvəlcədən qəbul olunmuş sifarişlərə uyğun bayram günlərində qurbanlıq heyvanların kəsilməsi və ətinin vətəndaşlara çatdırılması nəzərdə tutulub. Bununla bağlı həmin satış şəbəkələri tərəfindən bayrama bir neçə gün qalmış əhaliyə əlavə məlumatlar veriləcək.

Vətəndaşlar həmin ticarət şəbəkələrinin ünvanları və əlavə məlumatları linkə daxil olmaqla əldə edə bilərlər.

Qurban bayramı günlərində respublika üzrə 134 ünvanda fəaliyyət göstərəcək qurbanlıq heyvanların satışı və kəsimi yerlərindən 61-də həm kəsim, həm satış, 54-də qurbanlıq heyvanların satışı, 19-də isə yalnız heyvan kəsimi xidmətləri vətəndaşlara təklif olunacaq.

Vətəndaşlar bayram günlərində saat 08:00-dan 20:00-dək qurbanlıq heyvanları satmaq, almaq və ya kəsdirmək üçün yuxarıda qeyd edilən xidmətlərdən yararlana bilərlər.

Ölkə üzrə qurbanlıq heyvanların satışı və kəsimi yerləri barədə məlumatları linkə daxil olmaqla əldə edə bilərsiniz.
My Webpage




RƏYLƏR


REKLAM

XƏBƏR LENTİ

POPULYAR XƏBƏRLƏR